Eclesiastes 1:1-18
1 Ang mga salita ng tagapagtipon,+ na anak ni David, ang hari sa Jerusalem.+
2 “Talagang walang kabuluhan!” ang sabi ng tagapagtipon,“Talagang walang kabuluhan! Ang lahat ng bagay ay walang kabuluhan!”+
3 Ano ang pakinabang ng isang tao sa lahat ng pagsisikap niya,Sa pagpapakapagod niya sa ilalim ng araw?*+
4 Isang henerasyon ang lumilipas, at isang henerasyon ang dumarating,Pero ang lupa ay mananatili* magpakailanman.+
5 Ang araw ay sumisikat, at ang araw ay lumulubog;Pagkatapos, nagmamadali itong bumalik* sa lugar kung saan ito sisikat muli.+
6 Ang hangin ay pumupunta sa timog at umiikot pabalik sa hilaga;Paulit-ulit itong umiikot; paulit-ulit na lumilibot ang hangin.
7 Ang lahat ng ilog* ay dumadaloy papunta sa dagat, pero hindi napupuno ang dagat.+
Bumabalik ang mga ilog sa pinagmulan nito para dumaloy ulit.+
8 Ang lahat ng bagay ay nakakapagod;Hindi ito kayang ipaliwanag ng sinuman.
Ang mata ay hindi nasisiyahan sa nakikita nito;Ang tainga ay hindi rin nasisiyahan sa naririnig nito.
9 Ang nangyari na ay mangyayari ulit,At ang nagawa na ay gagawin ulit;Walang anumang bago sa ilalim ng araw.+
10 Masasabi ba ng isang tao tungkol sa anumang bagay, “Tingnan mo—bago ito”?
Matagal nang umiiral iyon;Umiiral na iyon bago pa ang panahon natin.
11 Walang nakakaalaala sa mga taong nabuhay noon;Wala ring makakaalaala sa mga taong mabubuhay sa hinaharap;At hindi rin sila maaalaala ng mga darating pa.+
12 Ako, ang tagapagtipon, ay hari ng Israel sa Jerusalem.+
13 Gamit ang aking karunungan, pinagsikapan kong pag-aralan at saliksikin+ ang lahat ng bagay na nagawa na sa ibabaw ng lupa*+—ang miserableng gawain na ibinigay ng Diyos sa mga anak ng tao para pagkaabalahan nila.
14 Nakita ko ang lahat ng ginawa sa ilalim ng araw;Nakita kong ang lahat ng bagay ay walang kabuluhan, paghahabol lang sa hangin.+
15 Ang baluktot ay hindi maitutuwid,At ang wala ay hindi puwedeng bilangin.
16 At sinabi ko sa sarili* ko: “Nagkaroon ako ng napakalawak na karunungan, higit kaysa sa sinumang nauna sa akin sa Jerusalem,+ at ang aking puso ay napuno ng napakaraming karunungan at kaalaman.”+
17 Pinagsikapan kong makakuha ng karunungan at maunawaan ang kabaliwan* at kahibangan,+ at ito rin ay paghahabol sa hangin.
18 Dahil ang maraming karunungan ay nagdudulot ng maraming kapighatian,Kaya ang nagpaparami ng kaalaman ay nagpaparami rin ng problema.+
Talababa
^ Sa aklat na ito ng Bibliya, ang ibig sabihin ng pananalitang “sa ilalim ng araw” ay “sa lupang ito” o “sa mundong ito.”
^ Lit., “nakatayo.”
^ O “humihingal ito pabalik.”
^ O “sapa sa taglamig.”
^ Lit., “sa silong ng langit.”
^ Lit., “puso.”
^ O “sobrang kamangmangan.”