Dipesalema 8:1-9
Go mokaedi wa Gitithe.* Pina ya ga Dafide.
8 Jehofa Morena wa rona, ruri leina la gago le tlotlometse mo lefatsheng lotlhe;O tlhomile bontlentle jwa gago kwa godimo thata go feta magodimo.*+
2 Ka ntlha ya baba ba gago,O bontshitse nonofo ya gago ka mafoko a a tswang mo melomong ya bana le masea+Gore o didimatse mmaba le yo o ipusolosetsang.
3 Fa ke leba magodimo a gago, ditiro tsa menwana ya gago,Ngwedi le dinaledi tse o di dirileng,+
4 Tota motho ke eng go bo o nna o mo gopotse,Le morwa motho ke eng go bo o mo tlhokomela?+
5 O ne wa mo dira gore a nne kwa tlasenyana ga ba ba tshwanang le modimo,*E bile o ne wa mo naya kgalalelo le bontlentle.
6 O mo neile taolo gore a laole dilo tse o di bopileng;+O beile sengwe le sengwe ka fa tlase ga dinao tsa gagwe:
7 Matsomane otlhe le dikgomo,Mmogo le diphologolo tsa naga,*+
8 Dinonyane tsa magodimo le ditlhapi tsa lewatle,Sepe fela se se tsamayang mo mawatleng.
9 Wena Jehofa, Morena wa rona, ruri leina la gago le tlotlometse mo lefatsheng lotlhe!
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa gongwe “Wena yo bontlentle jwa gago bo bolelwang kwa godimo ga magodimo!”
^ Kgotsa “ga baengele.”
^ Seheb., “le dibatana.”
