Isaia 52:1-15
52 Tsoga! Tsoga! Apara nonofo,+ wena Siona!+
Apara diaparo tsa gago tse dintle,+ wena Jerusalema, motse o o boitshepo!
Gonne motho yo o sa rupang le yo o seng phepa ga a kitla a tlhola a tsena mo go wena.+
2 Ema mo loroleng, itlhotlhore lorole mme o nne fa fatshe, wena Jerusalema.
Ipofolole dikgole tse di mo molaleng, wena morwadia Siona yo o tshwerweng.+
3 Gonne seno ke se Jehofa a se buang:
“Lo ne lwa rekisiwa mahala,+E bile lo tla rekololwa kwantle ga madi.”+
4 Gonne seno ke se Morena Molaodimogolo Jehofa a se buang:
“La ntlha, batho ba me ba ne ba ya kwa Egepeto ba ya go tshela teng e le batswakwa;+Go tswa foo, Asiria o ne a ba gatelela kwantle ga lebaka.”
5 “Jaanong, ke tshwanetse go dira eng fano?” go bua Jehofa.
“Gonne batho ba me ba ne ba gapiwa ntle le tuelo.
Ba ba neng ba ba laola, ba ne ba nna ba tlhaba mokgosi wa phenyo,”+ go bua Jehofa,“Mme leina la me le nna le tlontlololwa letsatsi lotlhe.+
6 Ka ntlha ya seo, batho ba me ba tla itse leina la me;+Ka ntlha ya seo, ba tla itse mo letsatsing leo gore ke Nna yo ke buang.
Bonang, ke nna!”
7 Ruri dinao tsa yo o tlisang dikgang tse di molemo, di dintle mo dithabeng,+Yo o itsiseng kagiso,+Yo o tlisang dikgang tse di molemo tsa sengwe se se botoka,Yo o itsiseng poloko,Yo o rayang Siona a re: “Jaanong Modimo wa gago ke Kgosi!”+
8 Reetsa! Balebeledi ba gago ba tsholetsa mantswe a bone.
Ba goa mmogo ka boitumelo,Gonne ba tla bona fa Jehofa a phutha Siona gape.
9 Itumeleng, goang mmogo ka boitumelo, lona marope a Jerusalema,+Gonne Jehofa o gomoditse batho ba gagwe;+ o rekolotse Jerusalema.+
10 Jehofa o senotse lebogo la gagwe le le boitshepo fa pele ga matlho a ditšhaba tsotlhe;+Batho botlhe mo lefatsheng ba tla bona se Modimo a se dirileng go golola batho ba gagwe.+
11 Tsamayang, tsamayang, tswang koo,+ lona ba lo tshotseng dilwana tsa ga Jehofa!+
Tswang mo go ene,+ ipolokeng lo le phepa!
Lo se ka lwa kgoma sepe se se seng phepa.+
12 Gonne ga lo kitla lo tsamaya lo tshogile,E bile ga lo kitla lo tlhoka go sia,Gonne Jehofa o tla lo etelela pele,+E bile Modimo wa Iseraele o tla lo sireletsa a lo setse morago.+
13 Motlhanka wa me+ o tla dirisa temogo.
O tla tsholelediwa kwa godimo,O tla godisiwa a bo a tlotlomadiwa fela thata.+
14 Fela jaaka go ne go na le ba le bantsi ba ba neng ba mo rotoletse matlho ba gakgametse,Gonne sefatlhego sa gagwe se ne se senyegile go feta sa motho ope o seleLe mmele wa gagwe o montle o ne o senyegile go feta wa batho,
15 O tla boifisa ditšhaba di le dintsi jalo.+
Dikgosi di tla didimala* di le fa pele ga gagwe,+Gonne di tla bona se di iseng di se bolelelwe,Di tla akanyetsa se di iseng di se utlwe.+
Dintlha Tse di Kwa Tlase
^ Kgotsa “di tla tlhoka puo.”
