Isaia 9:1-21
9 Le fa go ntse jalo, letobo leo ga le kitla le nna jaaka fa lefatshe le ne le le mo matshwenyegong, jaaka mo dinakong tse di fetileng fa lefatshe la Sebulone le lefatshe la Nafetali le ne le nyadiwa.+ Mme moragonyana Modimo o tla dira gore le tlotliwe, e leng tsela e e fa lewatleng, mo kgaolong ya Joredane, Galalea wa ditšhaba.
2 Batho ba ba neng ba tsamaya mo lefifingBa bone lesedi le legolo.
Mme ba ba nnang mo lefatsheng la moriti o montsho,Ba phatsimetswe ke lesedi.+
3 O dirile gore setšhaba se nne le batho ba bantsi;O dirile gore boitumelo jwa sone bo nne bogolo.
Ba itumela fa pele ga gagoJaaka fa batho ba itumela ka nako ya thobo,Jaaka batho ba ba itumelelang go kgaogana dilo tse ba di gapileng.
4 Gonne o robagantse jokwe ya morwalo wa bone,Le thobane e e mo magetleng a bone, thobane ya mookamedi wa bone,Jaaka mo motlheng wa Midiana.+
5 Setlhako sengwe le sengwe se se roromisang lefatshe fa se gwantaLe seaparo sengwe le sengwe se se tletseng madiDi tla fisiwa ka molelo.
6 Gonne re tsaletswe ngwana,+Re neilwe ngwana wa mosimane;Mme o tla nna le taolo ya go busa.*+
O tla bidiwa Mogakolodi yo o Botlhale,+ Modimo Mothata,+ Rara Yo o Sa Khutleng, Kgosana ya Kagiso.
7 Puso ya gagwe e tla busa gongwe le gongwe,Gape go tla nna le kagiso go ya go ile+Mo setulong sa bogosi sa ga Dafide+ le mo bogosing jwa gagwe.
Bo tla tiisiwa thata+ e bile bo tla nonotshiwaKa tshiamiso+ le ka tshiamo,+Go tloga jaanong go ya bosakhutleng.
Jehofa wa masomosomo o tla dira seno ka tlhoafalo.
8 Jehofa o ne a romela molaetsa wa katlholo kwa go Jakobe,Mme o tla diragadiwa mo Iseraele.+
9 Mme batho botlhe ba Eferaime le banni ba SamareaBa tla itse ka gone,Ba ba buang jaana ka mabela le ka pelo e e tletseng lonyatso:
10 “Ditena di ole,Mme re tla aga ka maje a a betlilweng.+
Ditlhare tsa mosikamore di remilwe,Mme re tla di emisetsa ka masedara.”
11 Jehofa o tla dira gore baganetsi ba ga Resine ba mo tlhasele,E bile o tla tlhotlheletsa baba ba Iseraele gore ba tlhasele,
12 Siria e tla tswa kwa botlhaba mme Bafilisitia ba tla tswa kwa bophirima,*+Ba tla bula melomo ya bone ba bo ba kometsa Iseraele.+
Ka ntlha ya dilo tseno tsotlhe, bogale jwa gagwe ga bo a boela morago,Mme o sa ntse a otlolotse seatla sa gagwe gore a ba kgemethe.+
13 Gonne batho ga ba a boela kwa go Ene yo o ba kgemethang;Ga ba a batla Jehofa wa masomosomo.+
14 Jehofa o tla kgaola IseraeleTlhogo le mogatla, letlhogela le mokhasi,* mo letsatsing le le lengwe fela.+
15 Mogolwane yo o tlotliwang thata ke tlhogo,Mme moporofeti yo o ntshang taelo ya maaka ke mogatla.+
16 Baeteledipele ba batho bano ba dira gore ba kgarakgatshege,Mme ba ba eteletsweng pele ba tlhakane tlhogo.
17 Ke gone ka moo Jehofa a se kitlang a itumelela makawana a bone,E bile a se kitla a utlwela botlhoko dikhutsana* le batlholagadi ba boneKa gonne botlhe ke batlhanogi le badirabosula+E bile molomo mongwe le mongwe o bua se se se nang tlhaloganyo.
Ka ntlha ya dilo tseno tsotlhe, bogale jwa gagwe ga bo a boela morago,Mme o sa ntse a otlolotse seatla sa gagwe gore a ba kgemethe.+
18 Gonne bosula bo tuka jaaka molelo,Bo laila ditlhatshana tsa mmitlwa le mefero.
Mme bo tla fisa ditlhatshana tse di kitlaneng tsa sekgwa,E bile di tla kuelela mosi.
19 Tšhakgalo ya ga Jehofa wa masomosomoE dirile gore lefatshe le she,E bile batho ba tla fisiwa ke molelo.
Ga go na ope yo o tla bolokang le morwarraagwe tota.
20 Mongwe o tla kgaola dijo ka fa mojeng,Le fa go ntse jalo, o tla nna a tshwerwe ke tlala;Mme yo mongwe o tla ja dijo ka fa molemengLe fa go ntse jalo, ga a kitla a kgora.
Mongwe le mongwe o tla ja nama ya lebogo la gagwe,
21 Manase o tla kometsa Eferaime,Le Eferaime o tla kometsa Manase.
Boobabedi ba tla tlhasela Juda.+
Ka ntlha ya dilo tseno tsotlhe, bogale jwa gagwe ga bo a boela morago,Mme o sa ntse a otlolotse seatla sa gagwe gore a ba kgemethe.+
Dintlha Tse di Kwa Tlase
^ Kgotsa “Mme puso e tla nna mo legetleng la gagwe.”
^ Seheb., “kwa morago.”
^ Kgotsa gongwe “kala ya setlhare sa mokolane le lotlhaka.”
^ Seheb., “bana ba bone ba ba se nang borre.”
