Lefitiko 12:1-8
-
Go iitshekisa le go tshola ngwana (1-8)
12 Jehofa o ne a tswelela a raya Moshe a re:
2 “Raya Baiseraele o re, ‘Fa mosadi a ima a bo a tshola ngwana wa mosimane, o tla itshekologa malatsi a le supa, fela jaaka fa a itshekologa ka malatsi a fa a le mo kgweding.+
3 Mo letsatsing la borobedi, ngwana yoo o tla rupisiwa.+
4 Mosadi yoo o tla tswelela a iitshekisa mo mading malatsi a le 33 a a latelang. A se ka a kgoma sepe se se boitshepo e bile a se ka a tsena mo lefelong le le boitshepo go fitlha a wetsa malatsi a go iitshekisa.
5 “‘Fa a tshola ngwana wa mosetsana, o tla itshekologa malatsi a le 14, fela jaaka a ne a tla itshekologa fa a le mo kgweding. O tla tswelela a iitshekisa mo mading malatsi a le 66 a a latelang.
6 Fa a wetsa malatsi a go iitshekisa ka ntlha ya ngwana wa mosimane kgotsa wa mosetsana, o tla isa phelefu e potlana e e nang le ngwaga o le mongwe kwa kgorong ya tente ya bokopanelo kwa moperesiting gore e nne setlhabelo se se fisiwang,+ le lephoi le lennye kgotsa leeba gore e nne setlhabelo sa boleo.
7 Moperesiti o tla e isa fa pele ga ga Jehofa a bo a mo ntshetsa setlhabelo sa gore a itshwarelwe maleo,* mme o tla itsheka mo go eleleng madi. Ono ke molao o o amanang le mosadi yo o tsholang ngwana wa mosimane kgotsa wa mosetsana.
8 Mme fa a sa kgone go ntsha nku, o tshwanetse go ntsha maeba a mabedi kgotsa maphoi a mannye a le mabedi,+ le lengwe e le la setlhabelo se se fisiwang mme le lengwe e le la setlhabelo sa boleo, foo moperesiti o tla mo ntshetsa setlhabelo sa gore a itshwarelwe maleo, mme o tla itsheka.’”
Dintlha Tse di Kwa Tlase
^ Kgotsa “a mo direla tetlanyo.”
