Ke Eng se se Dirang Gore Botshelo Jwa Lelapa bo Itumedise?
A o akanya gore ke . . .
-
lorato?
-
madi?
-
sengwe se sele?
SE BAEBELE E SE RUTANG
“Go itumela ba ba utlwang lefoko la Modimo e bile ba le boloka!”—Luke 11:28, Thanolo ya Lefatshe le Lesha.
KAFA SEO SE KA RE SOLEGELANG MOLEMO KA GONE
Re bontshiwa lorato lwa boammaaruri.—Baefeso 5:28, 29.
Re bontshiwa tlotlo e e boteng.—Baefeso 5:33.
Re nna le pabalesego ya mmatota.—Mareko 10:6-9.
A TOTA RE KA DUMELA SE BAEBELE E SE RUTANG?
Ee, ka ntlha ya mabaka a ka nna mabedi:
-
Modimo ke Mosimolodi wa lelapa. Baebele ya re, ‘lelapa lengwe le lengwe le bidiwa’ ka leina la ga Jehofa Modimo. (Baefeso 3:14, 15) Seno se raya gore lelapa le gone ka go bo Jehofa a le bopile. Ke eng fa seo se le botlhokwa?
Akanya ka seno: Fa o ne o itumelela dijo tse di monate mme o batla go itse gore di dirilwe ka eng, o ne o tla botsa mang? Go a utlwala gore o botse motho yo o di apeileng.
Ka tsela e e tshwanang, fa re batla go itse gore ke eng se se dirang gore lelapa le itumele, go tla bo go le molemo gore re botse Jehofa, Mosimolodi wa lelapa.—Genesise 2:18-24.
-
Modimo o amega ka wena. Go molemo gore malapa a batle kgakololo ya ga Jehofa, e a re nayang yone mo Lefokong la gagwe. Ka ntlha yang? “Ka gonne o a lo kgathalela.” (1 Petere 5:6, 7) Jehofa o go batlela se se molemolemo—mme ka metlha kgakololo ya gagwe e mosola!—Diane 3:5, 6; Isaia 48:17, 18.
SE O KA AKANYANG KA SONE
O ka nna jang monna, mosadi kgotsa motsadi yo o molemo?
Baebele e araba potso eo mo go BAEFESO 5:1, 2 le mo go BAKOLOSA 3:18-21.
Tse Dingwe Tse O ka Di Kgatlhegelang
TSOGANG!
Kitso e e Thusang Lelapa go Itumela
Ke eng se banna, basadi, batsadi le bana ba ka se dirang gore go nne le boitumelo mo lelapeng?
DIKARABO TSA DIPOTSO TSA BAEBELE
A Baebele e ka Nthusa go Nna le Lelapa le le Itumetseng?
Kgakololo e e molemo e e thailweng mo Baebeleng e e thusitseng banna le basadi ba le dimilione gore ba nne le malapa a a itumetseng.
TSOGANG!
Go Dirisana Mmogo
A lo dirisana mmogo kgotsa a mongwe le mongwe o itshelela botshelo jwa gagwe?
KA GA RONA
Ke Eng fa o Tshwanetse go Ithuta Baebele?—Bidio e e Feletseng
Baebele e thusa batho ba le dimilione mo lefatsheng lotlhe go bona dikarabo tsa dipotso tse di botlhokwa thata mo botshelong. A o ka rata go nna mongwe wa bone?
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.
