A LE TLHAMILWE?
Lefuka la Serurubele
DIPHUKA tsa serurubele di robega motlhofo mo e leng gore le boimanyana fela jwa lorole kgotsa marothodi a bongola a ka dira gore go nne boima gore se fofe. Le fa go ntse jalo, diphuka tseno di nna di le phepa e bile di omile. Serurubele se thusiwa ke eng?
Lefuka la serurubele le na le makwapa a mannyennye a a tlhatlaganeng
Ela tlhoko: Babatlisisi kwa Ohio State University ba ba ithutang ka serurubele sa Giant Blue Morpho (Morpho didius) ba fitlhetse gore le fa diphuka tsa tshenekegi eno di lebega di le borethe, tota di apesitswe ka makwapa a mannyennye a a tlhatlaganeng jaaka dithaele tsa borulelo. Tota le meselenyana e mennyennye e e mo godimo ga makwapa ano e dira gore lorole kgotsa marothodi a metsi a relele motlhofo fela. Baenjenere ba leka go etsa tsela e diphuka tseno di leng ka yone gore ba dire gore bokafantle jwa didirisiwa tsa madirelo le tsa kalafi bo se ka jwa tshwara leswe le metsi.
Lefuka la serurubele ke sengwe sa dikai tsa kafa saense e lekang ka gone go tsaya malebela mo tseleng e ditshedi di bopilweng ka yone. Mmatlisisi yo o bidiwang Bharat Bhushan a re: “Dilo tsa tlholego di tletse ka dilo tse dintsi tse di tlhamilweng ka tsela e e gakgamatsang, go tloga ka tse dinnyennye go ya go tse dikgolo tse di tlhotlheleditseng batho ka makgolokgolo a dingwaga.”
O akanyang? A lefuka la serurubele le nnile gone ka bolone fela? A kgotsa le tlhamilwe?
Tse Dingwe Tse O ka Di Kgatlhegelang
TSOGANG!
Popego ya Dikgapetla Tsa mo Lewatleng
Tsela e dikgapetla tsa mo lewatleng di bopegileng ka yone, e sireletsa ditshedi tse di nnang mo go tsone.
TSOGANG!
Bobududu jo bo Tsabakelang Jwa Pollia Berry
Pollia berry e na le mmala o o bobududu (blue) jo bo tseneletseng go gaisa dimela tsotlhe. Mme gone, ga e na seedi se se pududu se se dirang gore e nne le mmala. Ke eng se se dirang gore e nne le mmala o o tsabakelang jaana?
TSOGANG!
Boboa Jwa Otter ya Lewatle
Diphologolo tse dintsi tsa mo metsing di na le mafura a mantsi mo teng ga letlalo, a a di thusang go nna di thuthafetse. Otter ya mo lewatleng yone e dirisa mokgwa o o farologaneng.
TSOGANG!
Bokgoni Jwa go Kotama Jwa Notshi ya Mamepe
Goreng mokgwa ono wa go kotama o dirisiwa fa go dirwa diroboto tse di fofang?
TSOGANG!
Moriri wa Tshoswane ya Kwa Sekakeng sa Sahara
Tshenekegi eno ke nngwe ya diphologolo tse di kgonang go itshokela mogote. Ke eng se se dirang gore e kgone go itshokela mogote o montsi jaana?
TSOGANG!
Ditlhale Tse Ditshesane Tsa Setshedi se se Nnang mo Kgapetleng
Di-mussel di ingangatlela di dirisa ditlhale tsa tsone. Go tlhaloganya seno go ka re thusa go itse mokgwa o mosha o re ka o dirisang go kgomaretsa dilo mo dikagong kgotsa go kopanya mesifa le marapo.
