Kgakololo e e Dirang Gore o Itumelele Botshelo
“Le fa gone ke utlwisiwa botlhoko ke go bona dilo tse di bosula tse di jaaka dintwa, khumanego, malwetse, le go bona bana ba sa tshwarwe sentle mo lefatsheng, ke na le tsholofelo.”—RANI. *
Rani o ne a itumela thata fa a ne a ithuta gore Mmopi wa rona a ka re naya botlhale. Fa o ntse o bala ditlhogo tse di mo makasineng ono, bona gore di ka go thusa jang go . . .
nna le lelapa le le itumetseng
tshela ka kagiso
itumela le go kgotsofalela se o nang le sone
tlhaloganya lebaka la go bo re boga re bo re swa
dumela gore Mmopi wa rona o tlile go fedisa bosula jotlhe le go dira gore re itumelele botshelo
itse Mmopi wa rona le go nna tsala ya gagwe
Gape o tla ithuta gore Mmopi wa rona ga a neye fela batho ba ba rileng botlhale le gore o bo naya batho botlhe.
^ ser. 2 Maina a fetotswe mo makasineng ono.
