Ki muʻa ke kamata ʻa e akó

1. 1. Teuteu fakaʻāuliliki. ʻI hoʻo fai iá, fakakaukau fekauʻaki mo e ngaahi fiemaʻu, tuʻunga pea mo e fakakaukau ʻa hoʻo tokotaha akó. Feinga ke fakakaukauloto atu ki he ngaahi poini ʻe tautefito nai hono fiemaʻu ʻe he tokotahá ke ne mahinoʻi pe ngāueʻaki. Fakakaukau ki he founga ʻe tokoni ai ʻa e fakamatala ʻi he konga “Ako Lahi Ange” ki hoʻo tokotaha akó pea mateuteu ke ngāueʻaki ia ʻi he lolotonga ʻa e akó ʻo ka fiemaʻu.

Lolotonga ʻa e akó

1. 2. Kamata pea fakaʻosi ʻaki ʻa e lotu, tuku kehe kapau ʻoku ʻikai ke loto ki ai ʻa e tokotaha akó.

2. 3. Tokanga ke ʻoua ʻe lahilahi fakamatala. Tokangataha ki he fakamatala kuo tokonakí pea tuku ki he tokotaha akó ke fakahaaʻi mai ʻene fakakaukaú.

3. 4. ʻI hono kamataʻi ha konga tefito ʻi he tohí, lau ʻa e taumuʻa ʻo e konga ko iá pea lave ki ha niʻihi ʻo e ngaahi kaveinga ʻo e lēsoní.

4. 5. ʻI hono ʻosiki ha konga tefito ʻi he tohí, ngāueʻaki ʻa e fakamanatu ʻi he konga ko iá ke tokoniʻi hoʻo tokotaha akó ke ne manatuʻi ʻa e ngaahi moʻoni kuó ne akó.

5. 6. ʻI hoʻo ako ʻa e lēsoni taki taha mo hoʻo tokotaha akó:

   1. a. Lau ʻa e fakamatalá.

   2. e. Lau ʻa e ngaahi konga Tohi Tapu kotoa ʻoku fakaʻilongaʻi ke “Lau.”

   3. f. Lau ʻa e ngaahi konga Tohi Tapu kehé ʻo ka fiemaʻu.

   4. h. Huluʻi ʻa e ngaahi vitiō kotoa ʻoku fakaʻilongaʻi ke “Huluʻi” (kapau ʻokú ke maʻu ia).

   5. i. ʻEke ki he tokotaha akó ʻa e fehuʻi taki taha.

   6. k. Tohoakiʻi ʻa e tokangá ki he fakatātā ʻi he konga “Keli Loloto Ange” pea kole ki he tokotaha akó ke ne fakamatala ki ai.

   7. l. Ngāueʻaki ʻa e puha “Meʻa ke Fai” ke tokoniʻi hoʻo tokotaha akó ke muimuiʻi ʻene fakalakalaka fakalaumālié. ʻE lava nai ke ke fakalototoʻaʻi ia ke ne ngāueʻaki ʻa e fokotuʻu ʻoku ʻomai aí pe fokotuʻu ha ngaahi taumuʻa kehe, pe fakatouʻosi.

   8. m. ʻEke ki hoʻo tokotaha akó pe naʻe ʻi ai ha kupu pe vitiō ʻi he konga “Ako Lahi Ange” naʻe tautefito ʻene saiʻia aí ʻi he taimi naʻá ne teuteu ai ʻa e lēsoní.

   9. n. Feinga ke ʻosiki ha lēsoni ʻe taha ʻi he ako taki taha.

Hili ʻa e akó

1. 7. Hanganaki fakakaukau fekauʻaki mo hoʻo tokotaha akó. Lotu kia Sihova ke tāpuakiʻi ʻa e feinga hoʻo tokotaha akó ke fakalakalaká pea ʻoatu kiate koe ʻa e poto ke ke ʻiloʻi ʻa e founga ke tokoniʻi ai iá.