Palōveepi 3:1-35
3 ʻE hoku foha, ʻoua naʻa ngalo ʻiate koe ʻa ʻeku akonakí,*Pea ʻofa ke tauhi ʻe ho lotó ʻa ʻeku ngaahi fekaú,
2 Koeʻuhí ʻe tānaki mai ai ʻa e ngaahi ʻaho lahiMo e ngaahi taʻu ʻo e moʻui mo e nonga kiate koe.+
3 ʻOua naʻa tuku ke mavahe meiate koe ʻa e ʻofa mateakí mo e faitōnungá.*+
Haʻi takatakai kinaua ʻi ho kiá;Tohi kinaua ki ho lotó;+
4 Te ke maʻu leva ai ʻa e leleiʻia mo e vavanga fakaefakakaukau leleiʻI he ʻao ʻo e ʻOtuá pea mo e tangatá.+
5 Falala kia Sihova+ ʻaki ho lotó kotoa,Pea ʻoua naʻá ke falala* ki hoʻo mahino pē ʻaʻaú.+
6 ʻI he kotoa ho ngaahi ʻalungá, tokanga kiate ia,+Pea te ne fakatonutonu ho ngaahi halá.+
7 ʻOua naʻá ke lau ʻokú ke poto ʻi he vakai pē ʻaʻaú.+
Manavahē kia Sihova pea afe mei he koví.
8 ʻE hoko ia ko ha faitoʻo ki ho sinó*Mo e fakaivifoʻou ki ho ngaahi huí.
9 Fakalāngilangiʻi ʻa Sihova ʻaki hoʻo ngaahi meʻa mahuʻingá,+ʻAki ʻa e ʻuluaki fua kotoa* ʻo hoʻo ngoué;*+
10 ʻE fonu kotoa leva ai ho ngaahi feleokó,+Pea ʻe fonu mahuohua hoʻo ngaahi tataʻoʻanga uainé ʻi he uaine foʻou.
11 ʻE hoku foha, ʻoua naʻá ke siʻaki ʻa e akonaki ʻa Sihová,+Pea ʻoua naʻá ke fakaliliʻa ʻi heʻene valokí,+
12 He ko kinautolu ʻoku ʻofa ai ʻa Sihová ʻokú ne valokiʻi,+ʻO hangē tofu pē ko e meʻa ʻoku fai ʻe ha tamai ki hano foha ʻokú ne ʻofa ai.+
13 Fiefia ē ko e tangata ʻokú ne ʻilo ʻa e potó+Pea mo e tangata ʻokú ne maʻu ʻa e ʻiloʻiló;
14 ʻOku lelei ange ke maʻu ia ʻi hono maʻu ʻa e silivá,Pea ʻoku lelei ange hono maʻu iá* ʻi hono maʻu ʻa e koulá.+
15 ʻOku mahuʻinga ange ia ʻi he ngaahi maka feó;*ʻOku ʻikai lava ke fakahoa ki ai ha meʻa pē ʻokú ke holi ki ai.
16 Ko e moʻui fuoloá ʻoku ʻi hono nima toʻomataʻú;Ko e koloá mo e lāngilangí ʻokú na ʻi hono nima toʻohemá.
17 Ko hono ngaahi ʻalungá ʻoku fakafiefia,Pea ko hono ngaahi halá kotoa ko e koto nonga.+
18 Ko ha ʻakau ia ʻo e moʻuí ki he faʻahinga ʻoku nau puke iá,Pea ko kinautolu ʻoku nau puke maʻu iá ʻe vakai atu kiate kinautolu ʻoku nau fiefia.+
19 Naʻe tanupou ʻe Sihova ʻa e māmaní ʻi he poto.+
Naʻá ne fokotuʻu maʻu ʻa e langí ʻi he ʻiloʻilo.+
20 ʻAki ʻa ʻene ʻiló naʻe mavaeua ai ʻa e ngaahi vai lolotóPea ko e langi ʻaoʻaofiá naʻe tulutā hifo ai ʻa e hahau.+
21 ʻE hoku foha, ʻoua naʻa tuku ke puli ia* mei hoʻo vakaí.
Maluʻi ʻa e poto ʻaongá mo e malava fakaefakakaukaú;
22 Te na ʻoatu kiate koe ʻa e moʻuiPea hoko ko e kahoa fakaʻofoʻofa ki ho kiá;
23 Te ke malu leva ai ʻi hoʻo ʻaʻeva ʻi ho halá,Pea ʻe ʻikai ʻaupito ke tūkia* ho vaʻé.+
24 ʻI hoʻo tokoto hifó, ʻe ʻikai te ke manavahē;+Te ke tokoto hifo, pea ʻe ifo hoʻo mohé.+
25 ʻE ʻikai te ke manavahē ki ha meʻa fakalilifu ʻe hoko fakafokifā+Pe ko e matangi ʻe hoko mai ki he kau fulikivanú.+
26 He ʻe lava ke ke falala kakato kia Sihova;+Te ne tauhi ho vaʻé ke ʻoua naʻa fihia.+
27 ʻOua naʻá ke taʻofi ha meʻa ʻoku lelei mei he faʻahinga ʻoku totonu ke ke foaki ia ki aí*+Kapau ʻoku ʻi ho mafaí* ke fai ha tokoni.+
28 ʻOua naʻá ke pehē ki ho kaungāʻapí, “ʻAlu; peá ke toki foki mai! Te u toki ʻoatu ia kiate koe ʻapongipongi,”
Kapau ʻoku malava ke ke ʻoange ia he taimi ko iá.
29 ʻOua naʻá ke faʻufaʻu ha kovi ki ho kaungāʻapí+Lolotonga ia ʻokú ne ongoʻi malu ʻi he nofo fakataha mo koé.
30 ʻOua naʻá ke kē taʻeʻuhinga mo ha tangata+Kapau kuo ʻikai te ne fai atu ha kovi kiate koe.+
31 ʻOua naʻá ke meheka ki he tangata fakamālohí+Pe fili ha taha pē ʻo hono ngaahi ʻalungá,
32 He ʻoku fakaliliʻa ʻa Sihova ʻi ha tokotaha kākā,+Ka ʻokú Ne kaumeʻa ofi mo e faitotonú.+
33 Ko e talatuki ʻa Sihová ʻoku ʻi he fale ʻo e tokotaha fulikivanú,+Ka ʻokú ne tāpuakiʻi ʻa e ʻapi ʻo e māʻoniʻoní.+
34 He ʻokú ne lumaʻi ʻa e faʻahinga ʻoku nau manukí,+Ka ʻokú ne fakahāhā ʻa e hōifua ki he anga-vaivaí.+
35 ʻE maʻu ʻe he kau potó ʻa e lāngilangi,Ka ko e kau valé ʻoku nau hakeakiʻi ʻa e meʻa ʻoku ʻikai hano lāngilangí.+
Fakamatala ‘i Lalo
^ Pe “laó.”
^ Pe “moʻoní.”
^ Fakafoʻilea, “faʻaki.”
^ Fakafoʻilea, “pitó.”
^ Pe “meʻa ʻoku maʻu maí.”
^ Pe “lelei taha.”
^ Pe “hono maʻu ia ko ha tupú.”
^ Sio ki he Lea mo Hono ʻUhinga.
^ ʻOku hā mahino ko e ʻuhingá ki he ngaahi ʻulungaanga ʻo e ʻOtuá naʻe lave ki ai ʻi he ngaahi veesi ki muʻá.
^ Pe “tau ʻi ha meʻa.”
^ Pe “ʻoku ʻi he mafai ho nimá.”
^ Pe “faʻahinga ʻoku tuha mo iá.”
