FEHUʻI 5
Ko e Hā ʻa e Pōpoaki ʻOku ʻi he Tohi Tapú?
“Te u ʻai ha fetāufehiʻaʻaki ʻi he vahaʻa ʻoʻou mo e fefiné pea ʻi he vahaʻa ʻo ho hakó mo hono hakó. Te ne laiki ho ʻulú, pea te ke taaʻi ia ʻi hono muivaʻé.”
“Fakafou ʻi ho hakó ʻe maʻu ai ʻe he ngaahi puleʻanga kotoa pē ʻo e māmaní ha tāpuaki moʻonautolu koeʻuhí kuó ke fanongo ki hoku leʻó.”
“Ke hoko mai ho Puleʻangá. Ke fai ho finangaló, ʻo hangē ko ia ʻi hēvaní, ke pehē foki ʻi māmani.”
“Pea ko e ʻOtuá ʻa ia ʻokú ne foaki ʻa e melinó kuo vavé ni ke ne laiki ʻa Sētane ʻi homou lalo vaʻé.”
“ʻI he hili hono fakamoʻulaloaʻi ʻe he ʻOtuá ʻa e ngaahi meʻa kotoa pē ki hono ʻAló, ʻe hanga leva ʻe he ʻAló ʻo fakamoʻulaloaʻi foki mo ia tonu ki he ʻOtuá, ʻa ia naʻá ne fakamoʻulaloaʻi ʻa e ngaahi meʻa kotoa pē kiate iá, koeʻuhi ke hoko ʻa e ʻOtuá ʻo tāfataha ʻi he ngaahi meʻa kotoa pē ki he tokotaha kotoa pē.”
“Ko e ngaahi talaʻofá leva naʻe folofolaʻaki kia ʻĒpalahame pea ki hono hakó . . . , ʻa ia ko Kalaisi. ʻIkai ngata aí, kapau ʻoku mou kau kia Kalaisi, ko e hako moʻoni kimoutolu ʻo ʻĒpalahame.”
“Ko e puleʻanga ʻo e māmaní kuo hoko ia ko e Puleʻanga ʻo hotau ʻEikí pea mo ʻene Kalaisí, pea te ne pule ko e tuʻi ʻo taʻengata pea taʻengata.”
“Ko ia naʻe lī hifo ʻa e fuʻu talākoní, ʻa e ngata ʻo onoʻahó, ʻa e tokotaha ʻoku ui ko e Tēvoló mo Sētané, ʻa ia ʻokú ne takihalaʻi ʻa e kotoa ʻo e māmani kuo nofoʻí; naʻe lī hifo ia ki he māmaní, pea naʻe lī fakataha hifo mo ia ʻene kau ʻāngeló.”
“Naʻá ne puke ʻa e talākoní, ʻa e ngata ʻo onoʻahó, ʻa ia ko e Tēvoló mo Sētané, peá ne haʻi ia ʻi he taʻu ʻe 1,000.”
