Kalata Yakwamba Yakuluta Kwaku Timote 2:1-15
2 Chakwamba, ndichiska weyosi kuti walutirizgi kuŵeyere, kupemphera, kupempheriyana ndipuso kuwonga chifukwa cha ŵanthu amitundu yosi,
2 chifukwa cha mafumu, kweniso ŵanthu wosi wo ŵe ndi maudindu ngapachanya,+ kuti tilutirizgi kuja ndi umoyu wachimangu ndipuso wakufwasa. Tichichita venivi, tijiperekengi ukongwa kwaku Chiuta kweniso tichitengi vinthu ndi mtima wosi.+
3 Venivi vamampha kweniso vakuzomerezeka pa masu paku Chiuta, Mtaski widu,+
4 mweniyo khumbu laki ndakuti ŵanthu amitundu yosi ataskiki+ kweniso awuziŵi umampha uneneska.
5 Pakuti pe Chiuta yumoza+ ndipuso mwendapakati yumoza,+ pakati paku Chiuta ndi ŵanthu.+ Munthu yo ndi Khristu Yesu,+
6 yo wangujipereka yija kuja sembi yakuwombole yakuyanana,+ chifukwa cha ŵanthu wosi,* ndipu venivi vazamusimikizika mu nyengu yaki.
7 Pakuti chifukwa cha ukaboni wenuwu,+ ndikusankhika kuja mupharazgi kweniso wakutumika.+ Ndikamba uneneska, ndipusika cha, nde msambizi wa ŵanthu amitundu+ yinyaki pa nkhani ya chivwanu ndi uneneska.
8 Sonu ndikhumba kuti mumalu ngosi anthulumi alutirizgi kupemphera, kusoska manja ngambula kufipiskika,+ ndipu achitengi venivi kwambula kukwiya+ kweniso kususkana.+
9 Mwakuyanana ŵaka, anthukazi atenere kujitowesa ndi vakuvwala vakwenere, mwaulemu ndipuso mwakuŵanaŵana umampha,* ndi masitayelu ngakulukiya sisi cha pamwenga ndi golidi pamwenga ngali* pamwenga malaya ngakudula.+
10 Kweni ajitowesi mu nthowa yakwenere anthukazi wo atiti mbakujipereka kwaku Chiuta,+ kung’anamuwa kuti ajitowesi mwakuchita ntchitu zamampha.
11 Munthukazi wajengi cheti wachisambira ndipuso waje wakujithereska ukongwa.+
12 Ndizomereza cha kuti munthukazi wasambizi pamwenga kuti waje ndi mazaza pa munthulumi, kweni walutirizgi kuja cheti.+
13 Pakuti Adamu ndiyu wangudankha kupangika, pavuli paki, Heva.+
14 Ndipuso Adamu wangunyengeka cha, kweni munthukazi ndiyu wangunyengeka+ ndipu wanguja wakubuda.
15 Kweni anthukazi azamuvikilirika chifukwa cha kubala ŵana,+ chikulu alutirizga kuja ndi chivwanu, chanju, kuleka kufipiskika ndipuso kuŵanaŵana umampha.*+
Mazu Ngam'mphata
^ Pamwenga kuti, “ŵanthu amitundu yosi.”
^ Pamwenga kuti, “ndipuso mwazeru.”
^ Pamwenga kuti, “kuŵanaŵana mwazeru.”
