Masalimo 107:1-43
107 Wongani Yehova, chifukwa iyu ngwamampha;+Chanju chaki chambula kumala ntchamuyaya.+
2 Ŵanthu wo awomboleka ndi Yehova akambi venivi,Ŵanthu wo iyu waŵawombo ku janja la* murwani,+
3 Wo wakuŵawunganisa pamoza kutuliya muvyaru,+Kutuliya kuvuma kweniso kuzambwi,*Kutuliya kunkhondi* kweniso kumwera.+
4 Yiwu anguyingayinga muchipululu, anguyingayinga muchipalamba;Anguyisaniya cha nthowa yakuluta kutawuni yakuti akajeku.
5 Ŵenga ndi nja kweniso nyota;Ndipu anguzinduka chifukwa cha kuvuka.
6 Angulutirizga kuliriya Yehova pa nyengu yo asuzgikanga;+Ndipu iyu wanguŵataska ku masuzgu ngawu.+
7 Wanguŵachitiska kuti ayendi munthowa yakwenere+Kuti akafiki mutawuni yakuti ajengemu.+
8 Ŵanthu awongi Yehova+ chifukwa cha chanju chaki chambula kumalaKweniso chifukwa cha ntchitu zaki zakuziziswa zo wachitiya ŵana a ŵanthu.+
9 Pakuti iyu wakhorwesa ŵanthu wo ŵe ndi nyotaNdipuso wagutisa ŵanthu a nja ndi vinthu vamampha.+
10 Anyaki ajanga mu mdima ukuluŴenga akayidi wo asuzgikanga kweniso angumangika ndi simbi za visulu.
11 Pakuti yiwu angugarukiya mazu ngaku ChiutaAnguyuyuwa ulongozgi wa Wapachanya Limu.+
12 Mwaviyo, wanguŵachitiska kuti asuzgiki ndi chilatu chakuti aje ndi mitima yakujiyuyuwa;+Yiwu anguguŵa ndipu pengavi munthu wakuti waŵawovyi.
13 Yiwu angudana Yehova kuti waŵawovyi pa nyengu yo asuzgikanga;Iyu wanguŵataska ku masuzgu ngawu.
14 Iyu wanguŵatuzga mu mdima ukulu,Ndipu wangudumuwa simbi zawu.+
15 Ŵanthu awongi Yehova chifukwa cha chanju chaki chambula kumala+Kweniso chifukwa cha ntchitu zaki zakuziziswa zo wachitiya ŵana a ŵanthu.
16 Pakuti iyu wafyo visasa vamkuŵaNdipuso wacheketa akabali a visulu.+
17 Yiwu ŵenga azereza ndipu angusuzgika+Chifukwa cha mphulupulu zawu kweniso maubudi ngawu.+
18 Yiwu ŵengavi khumbu la* chakurya chechosi;Angundere kufupi ndi mageti nga nyifwa.
19 Adananga Yehova kuti waŵawovyi pa nyengu yo asuzgikanga;Iyu waŵataskanga ku masuzgu ngawu.
20 Watumizanga mazu ngaki ndipu waŵachizganga+Kweniso waŵawombonga ku mbuna zo awirangamu.
21 Ŵanthu awongi Yehova chifukwa cha chanju chaki chambula kumalaKweniso chifukwa cha ntchitu zaki zakuziziswa zo wachitiya ŵana a ŵanthu.
22 Yiwu apereki sembi zakuwonga+Kweniso apharazgi ntchitu zaki ndi kudaniriza mwalikondwa.
23 Wo atenda panyanja musitima,Wo achita malonda ngawu pamaji nganandi,+
24 Awona ntchitu zaku YehovaNdipuso ntchitu zaki zakuziziswa zo ze mumaji ngandimba;+
25 Kweniso mo mazu ngaki ngayuskiya chimphepu chikulu,+Ndi kusoske muchanya mayiŵa nga nyanja.
26 Yiwu akwera mpaka muchanya;Ndi kusikiya pasi ukongwa.
Chiganga chawu chimala chifukwa cha soka lo laja kamanavi kuŵachitikiya.
27 Yiwu azendazenda ndipuso atenda mbendyambendya nge munthu yo waloŵe,Malusu ngawu ngosi ngaja ngambula chovyu.+
28 Yiwu adana Yehova kuti waŵawovyi pa nyengu yo asuzgika;+Iyu watiŵataska ku masuzgu ngawu.
29 Iyu wachetamisa chimphepu;Ndipu mayiŵa nga nyanja ngaja cheti.+
30 Yiwu akondwa asani awona kuti vazika,Ndipu watiŵalongozge kudowoku lo akhumba.
31 Ŵanthu awongi Yehova chifukwa cha chanju chaki chambula kumalaKweniso chifukwa cha ntchitu zaki zakuziziswa zo wachitiya ŵana a ŵanthu.+
32 Yiwu amukwezi mu mpingu wa ŵanthu,+Ndipuso amuthamiki mu unganu wa* ŵara.
33 Wasambusa misinji kuja chipalambaAkasupi a maji kuja charu chakumira,+
34 Ndipuso charu chanyata kuja charu chamche,+Chifukwa cha vinthu viheni vo ŵanthu wo aja mwenimo achita.
35 Wasambusa chipalamba kuja vithapwi va maji,Ndipuso charu chakumira kuja akasupi a maji.+
36 Wachitiska kuti ŵanthu a nja aje kweniko,+Kuti azengi tawuni yakuti ajengemu.+
37 Apanda mbewu kweniso vimiti va mphereska+Vo vipasa vipasu vinandi.+
38 Iyu watiŵatumbika ndipu ayandana ukongwa;Wazomereza cha kuti ng’ombi zawu zimali.+
39 Kweni yiwu aja so amana ndipu alengesekaChifukwa cha kukandirizgika, masoka ndipuso chitima.
40 Iyu wachitiska kuti ŵanthu akuzirwa ayuyulikiNdipu watiŵachitiska kuti ayendengiyendengi muchipululu chambula nthowa.+
41 Kweni akavu watiŵavikiliya* kuti aleki kukandirizgika+Ndipu wachitiska kuti mabanja ngawu ngayandani nge mskambu.
42 Munthu wakunyoloka waviwonengi venivi ndipu wakondwengi;+Kweni ŵanthu wosi ambula urunji ajalengi milomu yawu.+
43 Weyosi yo we ndi zeru wasungengi venivi+Ndipu waŵanaŵaniyengi mwakuphwere ntchitu zaku Yehova zakulongo chanju chambula kumala.+
Mazu Ngam'mphata
^ Pamwenga kuti, “ku nthazi ya.”
^ Pamwenga kuti, “Kutuliya ko kukutuliya lumwi mpaka ko liselere.”
^ Anyaki akamba kuti, “kumpotu.”
^ Pamwenga kuti, “angutinkha.”
^ Mazu ngaki chayingu, “mumipandu ya.”
^ Pamwenga kuti, “watiŵaŵika pachanya.” Kung’anamuwa kuti pakuti munthu wangafikapu cha.
