Masalimo 39:1-13
Kwaku yo walongozga sumu; pa Yedutuni.*+ Sumu yaku Davidi.
39 Ndingukamba kuti: “Ndivikiliyengi menderu nganguKuti ndileki kubuda ndi lilimi langu.+
Ndivikiliyengi mulomu wangu mwa kuwumanga ndi chakumangiya+Nyengu yeyosi yo munthu weyosi muheni we pa masu pangu.”
2 Ndengavi mazu, ndipu ndinguja cheti;+Ndingulongoropu chechosi cha chinanga ntchakukwaskana ndi vinthu vamampha,
Kweni urwirwi wangu wenga ukulu.*
3 Mtima wangu ungufunda* mukati mwangu.Ndichiŵanaŵana,* motu ungulutirizga kukole.
Pavuli paki, lilimi langu lingukamba kuti:
4 “Yimwi Yehova, ndiwovyeni kuziŵa mo umaliru wangu uŵiyengi,Ndipuso ndiwovyeni kuziŵa unandi wa mazuŵa ngangu,+Kuti ndiziŵi ufupi wa umoyu wangu.
5 Hinya, mwachitiska kuti mazuŵa ngangu ngaje ngamana;*+Ndipu utali wa umoyu wangu mutiwuwona kanthu cha.+
Nadi panu, munthu weyosi chinanga wangaŵa wakuvikilirika, wayanana ŵaka ndi mvuchi.+ (Selah)
6 Nadi panu, munthu weyosi watendatenda nge chithuthuzi.
Iyu wajijilika* paŵaka.
Wawunjika chuma kwambula kuziŵa kuti ndiyani yo wachiryiyengi.+
7 Sonu kumbi ndingalindizganji yimwi Yehova?
Chilindizga changu ndimwi pe.
8 Nditaskeni ku mphulupulu zangu zosi.+
Mungazomerezanga cha kuti munthu muzereza wandinyozi.
9 Ndingulutirizga kuja cheti;Ndingutondeka kujula mulomu wangu,+Chifukwa yimwi ndimwi munguchita venivi.+
10 Tuzganipu soka lo mwandiwisiya.
Ndalopwa chifukwa janja linu ndilu litindipuma.
11 Munyoloska munthu mwakumupaska chilangu chifukwa cha ubudi waki;+Munanga vinthu vaki vo wajiwunjikiya, nge mo nyenji* zinangiya.
Nadi panu, munthu weyosi wayanana ŵaka ndi mvuchi.+ (Selah)
12 Vwani pempheru langu yimwi Yehova,Vwani kuliya kwangu kwakupempha chovyu.+
Masozi ngangu mungangalereskanga ŵaka cha.
Pakuti ini nde nge mulendu kwaku yimwi,+Nde nge munthu yo wajumpha nthowa,* nge mo apapi ŵangu akali ŵenge.+
13 Lekani kundilereska mwaukali kuti ndikondwekuNdechendafwi ndi kuluta.”
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “unguvunduka.”
^ Mazu ngaki chayingu, “ungotcha.”
^ Pamwenga kuti, “Ndichisisiya mtima.”
^ Mazu ngaki chayingu, “ngaje ngakukwana pajanja.”
^ Mazu ngaki chayingu, “wachita chiwawa.”
^ Mazu ngo ngafwatulikiya kuti nyenji ngang’anamuwa kachidononu kakuphululuka ko katurya vakuvwala.
^ Pamwenga kuti, “munthu yo wasamiya mucharu chinyaki.”
