Uthenga Wamampha wo Ukulembeka ndi Mateyu 1:1-25
1 Ili ndi buku la mbiri yaku* Yesu Khristu* mwana waku Davidi,+ mwana waku Abrahamu:+
2 Abrahamu wangubala Isaki;+Isaki wangubala Yakobe;+Yakobe wangubala Yuda+ ndi abali ŵaki;
3 Yuda wangubala Perezi ndi Zera+ ndipu nyinawu wenga Tamara;Perezi wangubala Hezironi;+Hezironi wangubala Ramu;+
4 Ramu wangubala Aminadabu;Aminadabu wangubala Nashoni;+Nashoni wangubala Salimoni;
5 Salimoni wangubala Bowazi ndipu nyina wenga Rahabi;+Bowazi wangubala Obedi ndipu nyina wenga Ruti;+Obedi wangubala Jese;+
6 Jese wangubala Davidi+ yo wenga fumu.
Davidi wangubala Solomoni+ ndipu nyina wenga muwolu waku Uriya;
7 Solomoni wangubala Rehobowamu;+Rehobowamu wangubala Abiya;Abiya wangubala Asa;+
8 Asa wangubala Yehosafati;+Yehosafati wangubala Yehoramu;+Yehoramu wangubala Uziya;
9 Uziya wangubala Yotamu;+Yotamu wangubala Ahazi;+Ahazi wangubala Hezekiya;+
10 Hezekiya wangubala Manasi;+Manasi wangubala Amoni;+Amoni wangubala Yosiya;+
11 Yosiya+ wangubala Yekoniya+ ndi abali ŵaki pa nyengu yo atolekanga kuluta ku Babiloni.+
12 Ŵati atoleke ku Babiloni, Yekoniya wangubala Salatiyeli;Salatiyeli wangubala Zerubabeli;+
13 Zerubabeli wangubala Abiyudi;Abiyudi wangubala Eliyakimu;Eliyakimu wangubala Azoro;
14 Azoro wangubala Zadoki;Zadoki wangubala Akimu;Akimu wangubala Eliyudi;
15 Eliyudi wangubala Eliyazara;Eliyazara wangubala Matani;Matani wangubala Yakobe;
16 Yakobe wangubala Yosefi mulumu waku Mariya yo wangubala Yesu,+ yo wadanika kuti Khristu.+
17 Migonezi yosi kutuliya paku Abrahamu kufika paku Davidi yengapu 14; kutuliya paku Davidi kufika pa nyengu yo angutoleke kuluta ku Babiloni penga migonezi 14; kutuliya pa nyengu yo angutoleke kuluta ku Babiloni kufika paku Khristu penga migonezi 14.
18 Vo vinguchitika kuti Yesu Khristu wabaliki ndi ivi: Pa nyengu yo Mariya, nyina waku Yesu wangulayizgika ndi Yosefi kuti wamutongi nthengwa, wangusanirika kuti we ndi nthumbu mwa mzimu wakupaturika*+ ŵechendatorani.
19 Kweni chifukwa chakuti mulumu waki Yosefi wenga murunji ndipu wakhumbanga cha kumulengesa, wanguŵanaŵana kuti wamupati mwachisisi.+
20 Kweni Yosefi wati waŵanaŵaniya nkhani iyi, awonani! mungelu waku Yehova* wanguza kwaku iyu mu malotu, ndipu wanguti: “Yosefi, mwana waku Davidi, ungawopanga cha kumutole kunyumba muwolu waku Mariya, chifukwa nthumbu yo we nayu nja* mzimu wakupaturika.+
21 Iyu wazamubala mwana munthulumi ndipu uzimudani zina lakuti Yesu,*+ chifukwa wazamutaska ŵanthu ŵaki ku maubudi ngawu.”+
22 Vosi ivi vinguchitika kuti vo Yehova* wangukambiya limu kuporote mwa mchimi waki vifiskiki. Iyu wanguti:
23 “Awonani! Mwali wamengi nthumbu ndipu wabalengi mwana munthulumi ndipu ŵanthu azakumupaska zina lakuti Emanuwelu,”+ kung’anamuwa kuti, “Chiuta We Nasi.”+
24 Pavuli paki, Yosefi wanguyuka, ndipu wanguchita nge mo mungelu waku Yehova* wangumukambiya. Iyu wangutole muwolu waki kunyumba.
25 Kweni wangugonana nayu cha mpaka wangubala mwana munthulumi+ ndipu Yosefi wangumupaska zina lakuti Yesu.+
Mazu Ngam'mphata
^ Pamwenga kuti, “mkoka waku.”
^ Pamwenga kuti, “Mesiya; Wakusankhika.”
^ Pamwenga kuti, “mwa nthazi yaku Chiuta.”
^ Zina laku Chiuta lakuti Yehova lisanirika maulendu 237 mu Malemba nga Chigiriki Ngachikhristu ndipu yanga ndi malu ngakwamba ngo lisanirikapu. Wonani Fundu Zakukumaliya A5.
^ Pamwenga kuti, “cho chapangika mwaku iyu ntcha.”
^ Zina ili liyanana ndi la Chiheberi lakuti Yeshuwa pamwenga Yoswa, ndipu ling’anamuwa kuti “Yehova Mbutaski.”
^ Wonani Fundu Zakukumaliya A5.
^ Wonani Fundu Zakukumaliya A5.
