Yesaya 28:1-29
28 Soka chisoti* chakujiwonesa* cha aloŵevu aku Efurayemu+Kweniso luŵa lakufota la kutowa kwaki kwaunkhankhu,Lo le pamutu wa dambu lanyata la ŵanthu wo athereskeka ndi vinyu!
2 Awonani! Yehova we ndi munthu munyaki wanthazi kweniso wakukho.
Nge vuwa ya malimphezi ndi matalala, chimphunga chakusakaza,Nge vuwa ya malimphezi ya maji nganthazi ngakusapaliya,Iyu wazakuyiwisiya pacharu chapasi mwanthazi.
3 Visoti vakujiwonesa* va aloŵevu aku EfurayemuVazamukandikakandika ndi maphazi.+
4 Ndipu luŵa lakufota la kutowa kwaki kwaunkhankhu,Lo le pamutu wa dambu lanyata,Lazamuja nge chipasu cha mkuyu chakwamba kucha chihanya chechendafiki.
Asani munthu wachiwona, watichirya asani wachipontho ŵaka.
5 Mu zuŵa lenilo, Yehova wa mizinda wazamuja chisoti chaunkhankhu kweniso nkhata ya maluŵa yakutowa ku akujaku a ŵanthu ŵaki.+
6 Ndipu wazamuja mzimu waurunji ku munthu yo wayeruzga kweniso wazamupereka nthazi ku ŵanthu wo adikisa akuyukiya pageti.+
7 Ndipu ŵanthu ŵenaŵa nawu alanda chifukwa cha vinyu;Vakumwa vawu vakuloŵeresa vitiŵachitiska kuti ayendengi mwakumbendyambendya.
Wasembi kweniso mchimi walanda chifukwa cha moŵa;Vinyu watiŵatimbanyizga,Ndipu ambendyambendya chifukwa cha moŵa wawu;Kuwona kwawu kutiŵalandizga,Ndipu yiwu aŵanaŵana umampha cha.+
8 Pakuti mathebulu ngawu ngazaza ndi mawukuzi ngakuseruska,Peposi pe mawukuzi.
9 Kumbi munthu wasambizengi yani kuti waziŵi vinthu,Ndipu munthu wakonkhoskiyengi yani uthenga?
Ŵanthu wo alumulika ŵaka sonu,Ŵanthu wo aŵalekesa ŵaka konkha be?
10 Pakuti ndi “dangu pa dangu, dangu pa dangu,Mzeri pa mzeri, mzeri pa mzeri,*+Yapa kamanavi, epa kamanavi.”
11 Mwaviyo, iyu wazamulongoro ndi ŵanthu yaŵa mwakugwiriskiya ntchitu ŵanthu achimama* kweniso achineneru chachilendu.+
12 Iyu wanguŵakambiyapu kuti: “Yanga ndi malu ngakupumuliyapu. Munthu wakuvuka wapumuwi; yanga ndi malu ngakusisipuwa,” kweni yiwu angukana kuvwiya.+
13 Mwaviyo, mazu ngaku Yehova kwaku yiwu ngazamuja ngakuti:
“Dangu pa dangu, dangu pa dangu,Mzeri pa mzeri, mzeri pa mzeri,*+Yapa kamanavi, epa kamanavi,”
Kuti asani atenda,Aziguŵi ndi kuwa kamphaŵaNdipuso azifyoki, aziwiri ndi kuzikoleka.+
14 Mwaviyo, yimwi ŵanthu akujiŵikamu vwiyani mazu ngaku Yehova,Yimwi alongozgi a ŵanthu yaŵa mu Yerusalemu,
15 Pakuti yimwi mwaŵanthu mukamba kuti:
“Tachita phanganu ndi Nyifwa,+Ndipuso tachita phanganu* ndi Dindi.*
Asani maji ngakofya ngakusapaliya ngajumpha,Ngafikengi cha kwaku isi,Pakuti tasambusa boza kuja malu ngidu ngakuthaŵiyakuNdipu tajibisa mu boza.”+
16 Mwaviyo, Yehova Ambuya Fumu Yikulu, wakamba kuti:
“Ndiŵika fawundeshoni mu Ziyoni, mwa wo wayeseka,+Mwa wapakona wakuzirwa+ wa fawundeshoni chayiyu.+
Palivi weyosi yo we ndi chivwanu yo wazamutenthema.+
17 Ndipu ndazamuchitiska kuti cheruzgu chakunyoloka chije chingwi chakupimiya+Kweniso kuti urunji uje chidya chakuyanisiya.+
Malu ngakuthaŵiyaku ngaboza ngazamukukurwa ndi matalala,Ndipu maji ngazamubizga malu ngakubisamaku.
18 Phanganu lo mukuchita ndi Nyifwa lazamumala,Ndipu phanganu lo mukuchita ndi Dindi* lilutiriyengi cha.+
Asani maji ngakofya ngakusapaliya ngajumpha,Ngazakukupwetekani.
19 Nyengu yeyosi yo maji ngo ngazijumphiya,Mwazamukukurwa;+Pakuti ngazamujumpha mlenji wewosi,Ndi msana kweniso ndi usiku.
Mantha pe ndingu ngazakuŵachitiska kuti avwisi vo vinguvwika.”*
20 Pakuti bedi ndifupi ukongwa kuti munthu wakwanepu,Ndipu salu yakuluka njifinyi ukongwa kuti munthu wabundiyi.
21 Pakuti Yehova wayukengi nge mo wanguchitiya pa Phiri la Perazimu;Wajiyuskengi nge mo wanguchitiya mudambu* pafupi ndi Gibiyoni,+Kuti wachiti ntchitu yaki, ntchitu yaki yakuziziswaNdipuso kuti wagwiri ntchitu yaki, ntchitu yaki yachilendu.+
22 Sonu munganyozanga cha,+Kuti simbi zinu zileki kufyekeka ukongwa,Pakuti ndavwa kutuliya kwa Ambuya Fumu Yikulu, Yehova wa mizinda,Kuti charu chosi* chayeruzgika kuti chisakaziki.+
23 Julani makutu ndipu vwani mazu ngangu;Avwani ndipu vwisiyani vo ndikamba.
24 Kumbi wakulimiya pulawu walima zuŵa losi kwambula kupanda mbewu?
Kumbi watandaliya ŵaka kutipa ndi kupopota munda waki?+
25 Asani wayanisa dongu,Kumbi wamija cha kamini mufipa ndipuso kupanda kamini,Kumbi wapanda cha tirigu, maŵe, ndi balire mumalu mwakiKweniso Sipeloti*+ mumphepeti mwa munda waki?
26 Pakuti Iyu watimusambiza nthowa yakwenere;*Chiuta waki watimusambiza.+
27 Pakuti kamini mufipa atimusira cha ndi chidya chakukhweme mbewu,+Ndipu chingelengeli cha ngolu atichiyendesa pa kamini cha.
Mumalu mwaki, kamini mufipa atimukhwema ndi nthonga,Ndipu kamini atimukhwema ndi nthonga.
28 Kumbi munthu wasira tirigu kuti wapangi viŵandi?
Awa, watimukhwema kwambula kulekeza cha;+Ndipu asani watendesapu chingelengeli cha ngolu yaki ndi mahachi ngaki,
Watimusira cha.+
29 Ivi navu vituliya kwaku Yehova wa mizinda,Yo ulongozgi waki ngwakuziziswa*Ndipuso yo wachita vinthu vikulu.*+
Mazu Ngam'mphata
^ Viwoneka kuti akamba tawuni yikulu ya Samariya.
^ Pamwenga kuti, “chakujikuzga; chakunyada.”
^ Pamwenga kuti, “vakujikuzga; vakunyada.”
^ Pamwenga kuti, “Chingwi chakupimiya pa chingwi chakupimiya, chingwi chakupimiya pa chingwi chakupimiya.”
^ Mazu ngaki chayingu, “mwakugwiriskiya ntchitu milomu yachimama.”
^ Pamwenga kuti, “Chingwi chakupimiya pa chingwi chakupimiya, chingwi chakupimiya pa chingwi chakupimiya.”
^ Yapa pangafwatulikiya so kuti, “tafiska chiwona.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Yapa pangafwatulikiya so kuti, “Asani azivwisa, azamuja ndi mantha chayingu.”
^ Pamwenga kuti, “chidika.”
^ Pamwenga kuti, “charu chosi chapasi.”
^ Mtundu wa tirigu wambula kuzirwa yo wapandikanga ku Ijipiti.
^ Pamwenga kuti, “watimuchenya mwakwenere.”
^ Pamwenga kuti, “Yo khumbu laki ndakuziziswa.”
^ Pamwenga kuti, “yo zeru zaki zikulu.”
