Yona 3:1-10
3 Pavuli paki, Yehova wangulongoro ndi Yona kachiŵi, ndipu wangukamba kuti:+
2 “Soka, luta ku Nineve+ tawuni yikulu ndipu ukapharazgi uthenga wo nditikukambiya.”
3 Yona wanguvwiya Yehova+ ndipu wangusoka ndi kuluta ku Nineve.+ Sonu tawuni ya Nineve yenga yikulu ukongwa,* yakwananga mtunda wakwenda mazuŵa ngatatu.
4 Pavuli paki, Yona wangusere mutawuni yo, ndipu wangwenda mtunda wa zuŵa limoza wachipharazga kuti: “Kwaja mazuŵa 40 pe, tawuni ya Nineve yibwangandulikengi.”
5 Ŵanthu a ku Nineve anguja ndi chivwanu mwaku Chiuta,+ ndipu angupharazga kuti weyosi wafungi ndi kuvwala chigudulu, kwambiya mura ukongwa mpaka mumana ukongwa.
6 Fumu ya ku Nineve yati yavwa uthenga wo, yingusoka pampandu waki waufumu ndipu yinguzuwa chakuvwala chaki cha ufumu ndi kuvwala chigudulu kweniso yinguja muvyotu.
7 Kweniso yingulamula kuti apharazgi mutawuni yosi ya Nineve kuti,“Fumu kweniso ŵanthu ŵaki akuzirwa alamula kuti: Munthu weyosi, chinyama chechosi, ng’ombi, mbuzi pamwenga mbereri vingaryanga kanthu kekosi cha. Vingaryanga chakurya cha pamwenga kumwa maji.
8 Ŵanthu wosi avwali vigudulu ndipu vinyama vawu navu avivwaliki vigudulu. Yiwu apempheri ndi mtima wosi kwaku Chiuta ndi kutuwaku ku nthowa zawu zosi ziheni kweniso aleki nkhaza zo achita.
9 Ndiyani yo waziŵa, panyaki Chiuta wauneneska wangasintha vo wakhumba kuchita ndi kuweza ukali waki wakukole kuti tileki kumala?”
10 Chiuta wauneneska wati wawona vo anguchita, mo anguleke nthowa zawu ziheni,+ wangusintha maŵanaŵanu* pa soka lo wangukamba kuti waŵawisiyengi, ndipu wanguleka kuŵawisiya soka.+
Mazu Ngam'mphata
^ Mazu ngaki chayingu, “yenga tawuni yikulu ukongwa kwaku Chiuta.”
^ Pamwenga kuti, “wanguchita chitima.”
