Kabuku ko ke ndi Mapu nga mu Bayibolu
Kabuku kamutu wakuti “Onani Dziko Lokoma” kakonkhoska mapu nga mu Bayibolu ndipu kangakuwovyani kuti mukondwengi pa kusambira pakumwija. Mu Bayibolu mukulembeka malu, matawuni ndipuso vyaru. Ndipu asani mungagwiriskiya ntchitu kabuku kenaka, vikuwovyeningi kuti mukondwengi pakuŵerenga Bayibolu kweniso pakusambira pakumwija. Kabuku kakuti “Onani Dziko Lokoma” kakuwovyeningi kuyeruzgiya kweniso kuwona malu chayingu ngo nkhani yo muŵerenga mu Bayibolu yinguchitikiya. Ndipuso kakuwovyeningi kuti muvwisengi umampha mo vinthu vinyaki vachilengedu vikwaskikiya.
Mu kabuku ka “Onani Dziko Lokoma” mwe mapu kweniso matchati ngakutowa nga malu ngakupambanapambana ngo ngazumbulika mu Bayibolu. Kweniso kabuku kenaka ke ndi vithuzi, vinthu vinyaki vakunozgeka pa kompyuta ndipuso vinthu vinandi vo vingakuwovyani pakusambira pakumwija.
Kabuku kenaka ko ke ndi mapu nga mu Bayibolu kakuwovyeningi kuti
muziŵi maulendu ngo Abrahamu, Isaki ndi Yakobe angwenda
muziŵi nthowa yo Ayisirayeli angujumpha po atuwanga ku ukapolu ku Ijipiti kuluta mu Charu Chakulayizgika
muziŵi malu ngo kwenga Ayisirayeli ndi ngo kwenga arwani ŵawu
muziŵi malu ngo Yesu wangwenda wachichita uteŵeti ŵaki
muvwisi ukulu wa chigaŵa cho maufumu ngo ngazumbulika mu Bayibolu ngawusanga, maufumu nge Babiloni, Girisi ndipuso Roma
Mungaŵerenga kabuku kenaka pa Kabuku ko ke ndi Mapu nga mu Bayibolu pa LAYIBULARE YA PA INTANETI.
Mungayanja Kuŵerenga so Nkhani Izi
VIDYA VO VINGAKUWOVYANI PAKUSAMBIRA BAYIBOLU
Vesi la mu Bayibolu la Zuŵa Lelosi
Kabuku ka Kukambiskana Malemba Zuŵa Lelosi, ke ndi vesi la mu Bayibolu la zuŵa lelosi kweniso fundu zakudumuwa zo zikonkhoska vesi lo.
VIDYA VO VINGAKUWOVYANI PAKUSAMBIRA BAYIBOLU
Buku lo Likonkhoska Bayibolu
Buku la Insight on the Scriptures le ndi nkhani zinandi ukongwa. Ndipu mukulembeka nkhani za vinthu nge: ŵanthu, malu, vakume, vinyama, vakuchitika vakukhumbika ukongwa kweniso mazu nga mu Bayibolu ngakuyeruzgiya ngo ngakonkhoska vinthu vinyaki. Mu buku lakuchita kusindikiza mwe mapu, vithuzi, vakuyeruzgiyapu, kweniso malu ngo mungasaniya nkhani ndipuso malemba.
VIDYA VO VINGAKUWOVYANI PAKUSAMBIRA BAYIBOLU
Nkhani zo ze mu Bayibolu Mwakudumuwa
Kabuku kakuti Kumbi Bayibolo le Ndi Uthenga Wuli? kakonkhoska mwakudumuwa nkhani za mu Bayibolu zo zingakuwovyani kuziŵa fundu yikulu ya mu Bayibolu losi.