Bakamboni ba Jehova—Ino Ndiswe Bani?
Tuzwa kumisyobo alimwi amyaambo minji iindene-indene, nokuba boobo tulikamantene akaambo kamakanze aakozyenye ngotujisi. Kwiinda zyoonse, tuyanda kulemeka Jehova, Leza waambwa mu Bbaibbele alimwi Mulengi wazintu zyoonse. Tulabeleka canguzu kwiiya Jesu Kristo alimwi tulikkomene kwiitwa kuti Banakristo. Umwi aumwi wesu ciindi aciindi ulabagwasya bantu kwiiya Bbaibbele a Bwami bwa Leza. Akaambo kakuti tulapa bumboni, naa kwaamba kujatikizya Jehova Leza a Bwami bwakwe, tuzyibidwe kuti tuli Bakamboni ba Jehova.
Amuzizyibe zintu zijanika awebbusaiti yesu. Amubale Bbaibbele lili aintaneti. Amwiiye zinji kujatikizya ndiswe alimwi anzyotusyoma.
