Sena Bakamboni ba Jehova Balasyoma mu Cizuminano Cakaindi?
Inzya. Bakamboni ba Jehova basyoma kuti Bbaibbele lyoonse mbolizulwa ‘lyakasololelwa a Leza alimwi lilagwasya.’ (2 Timoteyo 3:16) Nkokuti Cizuminano Cakaindi a Cizuminano Cipya, kweelana ambobavwula kwaamba bantu. Zibeela eezyi zya Bbaibbele Bakamboni ba Jehova bazyaamba kuti Magwalo aa Chihebrayo a Magwalo aa Banakilisito aa Chigiliki. Munzila eeyi, beeleba kupa muzeezo wakuti zibeela zimwi zya Bbaibbele nzyakaindi naa taziyandiki.
Nkaambo Nzi Banakristo Ncobayandika Cizuminano Cakaindi a Cizuminano Cipya?
Kwiinda mukusololelwa amuuya, Munakristo mwaapostolo Paulo wakalemba kuti: “Zyintu zyoonse zyakalembwa kaindi zyakalembelwa kutuyiisya.” (Baloma 15:4) Aboobo, mu Magwalo aa Chihebrayo kuli makani aakonzya kutugwasya. Kuyungizya waawo, alaamba makani aakaindi aayandika alimwi alulayo lukonzya kutugwasya.
Makani aakaindi aayandika. Magwalo aa Chihebrayo alabikkilizya amakani aakulenga alimwi amuntu mbwaakabisya. Nokwatali makani aaya, nitwatakali kukonzya kujana bwiinguzi bukkazika moyo kumibuzyo mbuli yeeyi: Ino twakazwa kuli? Ino ncinzi cipa kuti bantu kabafwa? (Matalikilo 2:7, 17) Alimwi Magwalo aa Chihebrayo alaamba kujatikizya Jehova Leza mbwaakali kubeendelezya bantu bali mbuli ndiswe bakali kujana buyumuyumu alukkomano mubuumi bwabo.—Jakobo 5:17.
Lulayo lugwasya. Mabbuku aamu Bbaibbele aa Tusimpi alimwi a Mukambausi, alo aajanika mu Magwalo aa Chihebrayo, ajisi lulayo lukonzya kutugwasya mubuumi lyoonse. Alapa lulayo lujatikizya mbotukonzya kupona buumi bukkomanisya mumukwasyi (Tusimpi 15:17), mbotukonzya kuulanga munzila yeelede mulimo (Tusimpi 10:4; Mukambausi 4:6), alimwi abakubusi mbobakonzya kuzwidilila akuba alukkomano mubuumi bwabo (Mukambausi 11:9–12:1).
Kuyungizya waawo, tulakonzya kugwasyigwa kwiinda mukubala Mulawo wa Musa uujanika mu Torah (mabbuku osanwe aakusaanguna mu Bbaibbele). Nokuba kuti Banakristo tabali ansi aa Mulawo ooyu, pele Mulawo ooyu ulijisi njiisyo zikonzya kutugwasya kupona buumi bukkomanisya.—Levitiko 19:18; Deuteronomo 6:5-7.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Milawo Iili Kkumi ya Leza Ninzi?
Ino yakapedwe bani? Sena Banakristo baleelede kwiibamba?
MIBUZYO YAMU BBAIBBELE YAINGULWA
Sena Musa Wakalemba Bbaibbele?
Musa wakalijatikizyidwe mukulemba Bbaibbele. Ino mbantu bongaye bakalemba Bbaibbele?
NJIISYO ZYAMU BBAIBBELE ZIYANDIKA
Ino Sikwaanza Bbaibbele Nguni?
Ikuti naa lyakalembwa abantu, sena cileelela kuliita kuti ndi Jwi lya Leza? Ino mizeezo yani iili mu Bbaibbele?
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
MIBUZYO IIVWULA KUBUZYIGWA
Sena Bakamboni ba Jehova Bajisi Bbaibbele Lyabo?
Kubelesya busanduluzi bwama Bbaibbele bwiindene-indene kulakonzya kumugwasya kwiiya Bbaibbele. Kuli twaambo totatwe itupa kuti Bbaibbele lya Busanduluzi bwa Nyika Mpya bwa Magwalo Aasalala lyeelele kubelesyegwa nomwiiya.