2 Bakorinto 2:1-17
2 Nkaambo ndasala kuti nditabooli alimwi kulindinywe mumause.
2 Nkaambo ikuti naa ndimupa kuusa nywebo, ino nguni uumbi uunoondikkomanisya kunze lyayooyo ngondakapa kuusa?
3 Ndakamulembela boobo ikutegwa ndaakusika ooko, aabo ibeelede kundikkomanisya batakandipi kuusa, nkaambo ndilaalusyomo lwakuti eeco cindipa kukondwa mebo ncecimupa kukondwa andinywe nyoonse.
4 Nkaambo kwiinda mumapenzi manji akupenga kapati mumoyo ndakamulembela amisozi minji, ikutali kuti ndimupe kuusa,+ pele kutegwa muzyibe kuti ndilamuyanda kapati.
5 Lino ikuti naa umwi wacita cintu cipa kuusa,+ tandili buyo ndime nduusa pe, pele andinywe nyoonse alimwi abamwi balaindila kuusa—nokuba kuti tandisoli kumunyemena nondaamba majwi aaya.
6 Cisubulo eeci ncaakapegwa abanabunji cilikkwene kumuntu ooyo;
7 lino mweelede kumulekelela akumuumbulizya+ kutegwa atamenenwi limwi akaambo kakuusa kapati.+
8 Aboobo ndimukulwaizya kuti mutondezye luyando lwanu kulinguwe.+
9 Nkaaka kaambo akambi ikakandipa kuti ndimulembele: ikutegwa ndisinizye naa mulamvwida muzintu zyoonse.
10 Ikuti mwalekelela muntu cibi cili coonse, andime ndamulekelela mbubonya. Atwaambe kufwumbwa cibi mebo ncendakalekelela, (ikuti kakuli cibi cimwi ncendakalekelela) ndakacita oobo kutegwa mugwasyigwe kumbele lya Kristo,
11 kutegwa tutazundwi* a Saatani,+ nkaambo tulizizyi nzila zyakwe zyabucenjezu.*+
12 Lino nindakasika ku Trowa+ kuti ndaambilizye makani mabotu kujatikizya Kristo, alimwi anondakajalwidwa mulyango mu Mwami,
13 moyo wangu tiiwakakkalikila pe akaambo kakuti tiindakamujana mukwesu Tito.+ Aboobo ndakabalaya bakwesu bakooko akuunka ku Makedoniya.+
14 Pele aalumbwe Leza ooyo lyoonse uutusololela notweenda mbuli nkamu yazunda antoomwe a Kristo alimwi uupa kuti bweema bwaluzyibo bumwaike* koonse-koonse kwiinda mulindiswe!
15 Nkaambo kuli Leza tuli bweema bubotu bwa Kristo akati kabaabo ibafwutulwa alimwi abaabo ibanyonyoonwa;
16 kuli baabo ibanyonyoonwa tuli mununko* walufwu uutola kulufwu,+ kuli baabo ibali mukufwutulwa tuli bweema bwabuumi ibutola kubuumi. Alimwi ino nguni weelela ncobeni kucita zintu eezyi?
17 Ndiswe, nkaambo tatuli basambazi* bajwi lya Leza+ mbuli bantu bamwi banji mbobabede, pele tulaamba camoyo woonse mbuli baabo bakatumwa a Leza, inzya, ibalangililwa a Leza alimwi ibakamantene a Kristo.
Bupanduluzi buyungizyidwe
^ Naa “tulaazyi makanze aakwe.”
^ Naa “tuteenwi.”
^ Naa “buzyibwe.”
^ Naa “bweema.”
^ Naa “tatusambali; tatujani mpindu.”
