Intembauzyo 2:1-12
2 Ino nkaambo nzi masi ncaali mulupyopyonganoAmisyobo yabantu ncoivwiya-vwiya* cintu cabuyo?+
2 Bami bamunyika eeyi balibambilaAzyalo nkumekume zyabungana antoomwe*+
Kuti balwane Jehova amunanike wakwe.*+
3 Baamba kuti: “Atudunsaule nsimbi zyaboAkusowa ntambo zyabo!”
4 Ooyo uukkede acuuno cabwami kujulu uyooseka;Jehova uyoobaweela.
5 Aciindi eeco uyoobaambila cabukaliAlimwi kanyemede kapati uyoobayoosya,
6 Kaamba kuti: “Mebo lwangu, ndabikka mwami wangu+Acilundu cangu cisalala ca Ziyoni.”+
7 Amuleke ndaambe ncaamba* Jehova;Wandaambila kuti: “Yebo uli mwanaangu;+Sunu mebo ndaba bauso.+
8 Kondilomba, eelyo ndilakupa masi kuti abe lukono lwakoAlimwi anyika yoonse kuti ibe lubono lwako.+
9 Yebo uyoobavwinyauna ankoli yabwami yabutale,+Uyoobapwayaula mbuli cilongo camubumbi.”+
10 Aboobo nywebo nobami, amusongwaale;Amuzumine kululamikwa,* nywebo nobabetesi baanyika.
11 Amumubelekele Jehova cakuyoowa,Alimwi amukondwe akukankama.
12 Amumulemeke* mwana,+ buyo-buyo Leza ulakalalaAboobo mulaloba munzila,+Nkaambo bukali bwakwe bubuka buyo.
Balikkomene aabo boonse ibayuba mulinguwe.
Bupanduluzi buyungizyidwe
^ Naa “ncoizinzibala kuyeeya.”
^ Naa “zilapangana.”
^ Naa “a Kristo wakwe.”
^ Mu Chihebrayo, “mulazyo wa.”
^ Naa “Amucenjele.”
^ Mu Chihebrayo, “Amumumyonte.”
