Joshua 21:1-45
21 Lino basilutwe baziinga zyaba Levi bakaboola kuli Eleazara+ mupaizi, a Joshua mwana wa Nuni alimwi abasilutwe baziinga zyamisyobo yabana Israyeli,
2 bakasika ku Silo+ munyika ya Kanana akubaambila kuti: “Jehova, kwiinda muli Musa, wakalailila kuti tupegwe minzi yakukkala, antoomwe amacelelo aanjiyo aabanyama besu bavwubwa.”+
3 Aboobo kwiinda mukulaililwa a Jehova, bana Israyeli bakapa ba Levi minzi+ eeyi amacelelo aanjiyo kuzwa kulukono lwabo.+
4 Mpoonya cisolo cakawida mikwasyi yabana Kohati,+ eelyo ba Levi ibana ba Aroni mupaizi bakapegwa minzi iili 13 kuzwa kumusyobo wa Juda,+ kuzwa kumusyobo wa Simeoni+ akuzwa kumusyobo wa Benjamini.+
5 Bana Kohati ibakasyaala bakapegwa* minzi iili kkumi kuzwa kumikwasyi yamusyobo wa Efraimu,+ kuzwa kumusyobo wa Dani akuzwa kucisela camusyobo wa Manase.+
6 Bana Gerisoni+ bakapegwa minzi iili 13 kuzwa kumikwasyi yamusyobo wa Isakara, kuzwa kumusyobo wa Aseri, kuzwa kumusyobo wa Nafutali akuzwa kucisela camusyobo wa Manase mu Basani.+
7 Bana Merari+ kweelana amikwasyi yabo bakapegwa minzi iili 12 kuzwa kumusyobo wa Rubeni, kuzwa kumusyobo wa Gadi akuzwa kumusyobo wa Zebuloni.+
8 Aboobo bana Israyeli bakapa ba Levi minzi eeyi antoomwe amacelelo aanjiyo kwiinda mukuuma cisolo, mbubonya Jehova mbwaakalailila kwiinda muli Musa.+
9 Aboobo kuzwa kumusyobo wa Juda akuzwa kumusyobo wa Simeoni, bakapa minzi eeyi iibandaukwa mazina aawa,+
10 alimwi yakapegwa kubana ba Aroni ibazwa kumikwasyi yabana Kohati iba Levi, nkaambo cisolo cakusaanguna cakawida mbabo.
11 Bakabapa Kiriyati-ariba+ (Ariba wakali usyi wa Anaki), nkokuti Hebroni,+ mumalundu aa Juda antoomwe amacelelo aanguwo aazingulukide.
12 Pele nyika yamunzi atunzi twayo bakapa Kalebe mwana wa Jefune kuti ibe yakwe.+
13 Bana ba Aroni mupaizi bakabapa munzi wamayubilo aasikujaya muntu,+ nkokuti Hebroni+ amacelelo aanguwo, alimwi bakapa aminzi eeyi: Libina+ amacelelo aanguwo,
14 Jatiri+ amacelelo aanguwo, Esitimoa+ amacelelo aanguwo,
15 Holoni+ amacelelo aanguwo, Dibiri+ amacelelo aanguwo,
16 Ayini+ amacelelo aanguwo, Juta+ amacelelo aanguwo a Beti-semesi amacelelo aanguwo–minzi iili fwuka kuzwa kumisyobo eeyi yobilo.
17 Kuzwa kumusyobo wa Benjamini: Gibeoni+ amacelelo aanguwo, Geba amacelelo aanguwo,+
18 Anatoti+ amacelelo aanguwo a Alimoni amacelelo aanguwo–minzi yone.
19 Minzi yoonse njobakapegwa bana ba Aroni, ibapaizi, yakali 13 amacelelo aanjiyo.+
20 Mikwasyi yakasyaala yabana Kohati akati kaba Levi yakapegwa minzi kuzwa kumusyobo wa Efraimu kwiinda mukuuma cisolo.
21 Bakabapa munzi wamayubilo aasikujaya muntu,+ nkokuti Sekemu+ amacelelo aanguwo, mumalundu aa Efraimu, alimwi bakabapa a Gezeri+ amacelelo aanguwo,
22 Kibizaimu amacelelo aanguwo a Beti-horoni+ amacelelo aanguwo–minzi yone.
23 Kuzwa kumusyobo wa Dani: Eliteke amacelelo aanguwo, Gibetoni amacelelo aanguwo,
24 Aijaloni+ amacelelo aanguwo, Gati-rimoni amacelelo aanguwo–minzi yone.
25 Alimwi kuzwa kucisela camusyobo wa Manase: Taanaki+ amacelelo aanguwo a Gati-rimoni amacelelo aanguwo–minzi yobilo.
26 Minzi yoonse amacelelo aanjiyo njoyakapegwa mikwasyi yabana Kohati ibakasyeede yakali kkumi.
27 Bana Gerisoni+ ibazwa kumikwasyi yaba Levi bakapegwa minzi yamayubilo aasikujaya muntu kuzwa kucisela camusyobo wa Manase, nkokuti Golani+ mu Basani amacelelo aanguwo a Beesitera amacelelo aanguwo–minzi yobilo.
28 Kuzwa kumusyobo wa Isakara:+ Kisioni amacelelo aanguwo, Daberati+ amacelelo aanguwo,
29 Jarimuti amacelelo aanguwo a Eni-ganimu amacelelo aanguwo–minzi yone.
30 Kuzwa kumusyobo wa Aseri:+ Misali amacelelo aanguwo, Abidoni amacelelo aanguwo,
31 Helikati+ amacelelo aanguwo a Rehobu+ amacelelo aanguwo–minzi yone.
32 Eelyo kuzwa kumusyobo wa Nafutali: Kedesi+ mu Galilaya amacelelo aanguwo, Hamoti-dori amacelelo aanguwo a Karitani amacelelo aanguwo, minzi yamayubilo+ aasikujaya muntu–nkokuti minzi yotatwe.
33 Minzi yoonse yabana Gerisoni kweelana amikwasyi yabo yakali 13 amacelelo aanjiyo.
34 Mikwasyi yabana Merari,+ nkokuti iba Levi ibakasyaala, yakapegwa minzi kuzwa kumusyobo wa Zebuloni:+ Jokineamu+ amacelelo aanguwo, Karita amacelelo aanguwo,
35 Dimuna amacelelo aanguwo a Nahalala+ amacelelo aanguwo–minzi yone.
36 Kuzwa kumusyobo wa Rubeni: Bezeri+ amacelelo aanguwo, Jahazi amacelelo aanguwo,+
37 Kedemoti amacelelo aanguwo a Mefati amacelelo aanguwo–minzi yone.
38 Kuzwa kumusyobo wa Gadi,+ minzi yamayubilo aasikujaya muntu yakali: Ramoti mu Gileadi+ amacelelo aanguwo, Mahanaimu+ amacelelo aanguwo,
39 Hesiboni+ amacelelo aanguwo a Jazeri+ amacelelo aanguwo–minzi yoonse antoomwe yakali yone.
40 Minzi yoonse iyakapegwa bana Merari kweelana amikwasyi yabo, aabo ibakasyeede kumikwasyi yaba Levi, yakali 12.
41 Minzi yoonse yaba Levi akati kalukono lwabana Israyeli yakali 48 antoomwe amacelelo aanjiyo.+
42 Munzi umwi aumwi wakalijisi macelelo aanguwo—oobu mboyakabede minzi yoonse.
43 Aboobo Jehova wakabapa bana Israyeli nyika yoonse njaakakonkezya kupa bamausyi,+ eelyo bakaibweza akukkala mulinjiyo.+
44 Kuyungizya waawo, Jehova wakabapa kulyookezya kumabazu oonse kweelana ambwaakakonkezya kuli bamausyi+ alimwi kunyina sinkondonyina naba omwe wakabazunda.+ Basinkondonyina boonse Jehova wakabaaba mumaanza aabo.+
45 Kunyina cisyomezyo* nociba comwe catakazuzikizyigwa akati kazisyomezyo zibotu zyoonse Jehova nzyaakasyomezya bana Israyeli; zyoonse buyo zyakacitika.+
