Jesu—Nenzila, Ngokasimpe, Mbobuumi
Mubbuku eeli, mulabala makani aazintu zyoonse zyakacitika mubuumi bwa Jesu izilembedwe mu Bbaibbele.
INTALISYO
Nenzila, Ngokasimpe, Mbobuumi
Njiisyo alimwi amicito ya Jesu, izijanika mumabbuku aa Makani Mabotu, zilakonzya kubucinca buumi bwanu.
CIBEELA 1
Izyakacitika Kusololela Kumulimo wa Jesu
CIBALO 1
Milumbe Yobilo Iizwa Kuli Leza
Mungelo Gabriyeli wakaamba milumbe yakali kukatazya kusyoma.
CIBALO 3
Ooyo Iweelede Kubamba Nzila Wazyalwa
Zekariya mbwaakatalika buyo kwaambaula alimwi, wakaamba businsimi buyandika kapati.
CIBALO 4
Mariya Ulimitide Pele Takwetwe
Sena Josefa wamusyoma Mariya naamwaambila kuti ulimitide kwiinda mumuuya uusalala, ikutali akaambo kamusankwa umbi?
CIBALO 5
Ino Jesu Wakazyalilwa Kuli Alimwi Ino Ndilili?
Ino tuzyi buti kuti Jesu tanaakazyalwa mu December 25?
CIBALO 6
Mwana Iwakasyomezyegwa
Josefa a Mariya nobatola mwana Jesu kutempele, bana Israyeli bobilo bacembeede basinsima kujatikizya ziyoocitikila Jesu kumbele.
CIBALO 7
Basikupandulula Bweende Bwanyenyeezi Baswaya Jesu
Nkaambo nzi nyenyeezi njobakabona Kujwe ncoyakasaanguna kubasololela ku Mwami Heroda imujayi, ikutali kuli Jesu?
CIBALO 8
Batija Muleli Mubi
Businsimi bwamu Bbaibbele botatwe ibujatikizya Mesiya bwazuzikizyigwa Jesu kacili muniini.
CIBALO 10
Mukwasyi wa Jesu Waunka ku Jerusalemu
Josefa a Mariya bapenga nobatamujana Jesu, pele walo wagambwa kuti tiibalikuzyi kwakumulangauda.
CIBALO 11
Johane Mubbapatizi Wabamba Nzila
Ba Farisi aba Saduki bamwi nobaboola kulinguwe, Johane wabasinsa. Nkaambo nzi?
CIBEELA 2
Matalikilo Aamulimo wa Jesu
CIBALO 13
Amwiiye Mbwaakacita Jesu Naakasunkwa
Kusunkwa kwa Jesu kutupa kuzyiba twaambo tupati tobilo kujatikizya Diabolosi.
CIBALO 14
Jesu Watalika Kuyiisya Bantu Kuba Basikwiiya Bakwe
Ncinzi cakapa kuti basikwiiya ba Jesu bakusaanguna ibali cisambomwe basinizye kuti bakamujana Mesiya?
CIBALO 15
Jesu Wacita Maleele Aakusaanguna Kupobwe Lyabwiinga
Jesu watondezya banyina kuti lino tasololelwi aambabo pe, pele a Bausyi bakujulu.
CIBALO 16
Jesu Watondezya Busungu Kujatikizya Bukombi Bwakasimpe
Mulawo wa Leza wakali kubazumizya bantu kuula banyama ku Jerusalemu kutegwa bape zipaizyo, aboobo ino nkaambo nzi Jesu ncaakabanyemena basimakwebo kutempele?
CIBALO 18
Jesu Uyaabukomena Kumilimo, Johane Uyaabuceya
Basikwiiya ba Johane Mubbapatizi baba amunyono, nokuba kuti Johane tajisi munyono.
CIBALO 19
Kuyiisya Mukaintu Muna Samariya
Jesu wamwaambila makani aalibonya kuti tanabuzuba waambila muntu umbi uuli woonse.
CIBALO 20
Maleele Aabili Kali ku Kana
Kali kulamfwu ikulampa makkilomita aasika ku 26, Jesu waponya mwana.
CIBALO 21
Kucikombelo ku Nazareta
Ino ncinzi ncaakaamba Jesu icakapa kuti bantu bamumunzi ookwabo bayande kumujaya?
CIBALO 22
Basikwiiya Bone Balaba Bazubi Babantu
Wabatamba kuleka mulimo wakuzuba nswi akutalika mulimo wakuzuba bantu.
CIBALO 23
Jesu Wacita Milimo Mipati mu Kapernauma
Ciindi Jesu natanda madaimona, ulaakasya madaimona aayo kwaambila bantu kuti ngo Mwana wa Leza. Nkaambo nzi?
CIBALO 24
Wayungizya Mulimo Wakwe mu Galilaya
Bantu baboola kuli Jesu kuzyikuponesyegwa, pele Jesu wapandulula kuti mulimo wakwe mupati ngwakukambauka.
CIBALO 25
Kuponya Sicinsenda Calubomba
Kwiinda mukucita cintu cicitwa lyoonse pele ciyandika kapati, Jesu watondezya kuti ulababikkila maano ncobeni bantu mbaponya.
CIBALO 28
Nkaambo nzi Basikwiiya ba Jesu Ncobataliimyi Kulya?
Mukuvwiila mubuzyo, Jesu wapa cikozyanyo cankomo zyazipaya.
CIBALO 29
Sena Cili Kabotu Kucita Milimo Mibotu mu Sabata?
Nkaambo nzi ba Juda ncobamupenzya Jesu akaambo kakuponya mwaalumi iwali kuciswa kwamyaka iili 38?
CIBALO 30
Cilongwe Ncajisi Jesu a Bausyi
Ba Juda bayeeya kuti Jesu ulipa kweelana aa Leza, pele Jesu wacisalazya kuti Leza mupati kwiinda nguwe.
CIBALO 32
Ncinzi Cizumizyide Kucita mu Sabata?
Ba Saduki aba Farisi, ibatamvwani bunji bwaziindi, babelekela antoomwe kucita cintu comwe ncobakanzide.
CIBALO 33
Ikuzuzikizya Businsimi bwa Isaya
Ino nkaambo nzi Jesu ncalailila baabo mbaponya kuti bataambili bantu bambi kuti nguni naa kubaambila ceeco ncaacita?
CIBALO 35
Mulumbe Waacilundu Uuzyibidwe Kapati
Amujane bupanduluzi bwatwaambo tupati-pati mumulumbe ngwaakaamba Jesu.
CIBALO 36
Silutwe Wabasikalumamba Watondezya Lusyomo Lupati
Ino ncinzi ncaacita silutwe wabasikalumamba ooyu calo icamugambya Jesu?
CIBALO 38
Johane Uyanda Kumumvwa Jesu Lwakwe
Ino Johane Mubbapatizi ubuzyila nzi kuti naa Jesu ngo Mesiya? Sena Johane watalika kudooneka?
CIBALO 39
Maawe Kuzyalani Litasyomi
Jesu waamba kuti mu Buzuba bwa Lubeta, cisubulo ca Sodoma cinooli ciniini kwiinda cisubulo ca Kapernauma, imunzi mwaali kukkala.
CIBALO 40
Ciiyo Kujatikizya Kulekelela Zibi
Ciindi naakaambila mukaintu uulangilwa kuti wakali muvwuule kuti zibi zyakwe zyalekelelwa, sena Jesu wakali kwaamba kuti cili buyo kabotu kutyola mulawo wa Leza?
CIBALO 43
Zikozyanyo zya Bwami
Jesu wapa zikozyanyo zili lusele ikupandulula mbobubede Bwami bwakujulu.
CIBALO 44
Jesu Waumuzya Guwo Mulwizi
Ciindi Jesu naakaumuzya muwo akubatamika mayuwe, wakayiisya ciiyo cipati kujatikizya mbobuyakuba buumi mubulelo bwa Bwami bwakwe.
CIBALO 46
Kuponesyegwa Kwiinda Mukujata Cisani ca Jesu
Jesu watondezya nguzu alimwi alubomba mubukkale oobu bweetezya.
CIBALO 47
Mwana Musimbi Wabuka!
Bantu bamuseka Jesu naamba kuti mwana musimbi uufwide woona buyo. Ncinzi walo ncazyi bantu ncobatazyi?
CIBALO 48
Ucita Maleele, Pele Wakakwa Nomuba mu Nazareta
Bantu bamu Nazareta bamukaka Jesu, ikutali akaambo kanzyayiisya naa maleele ngacita pele akaambo kakaambo kambi buyo.
CIBALO 49
Kukambauka mu Galilaya Akuyiisya Baapostolo Mulimo
Ino ncinzi cini ncaamba majwi aakuti ‘Bwami bwakujulu bwaswena afwaafwi’?
CIBALO 50
Balilibambilide Kukambauka Nokuba Kuti Balapenzyegwa
Nkaambo nzi Jesu ncaambila baapostolo kuti beelede kutija nobapenzyegwa ikuti naa tabeelede kuluyoowa lufwu?
CIBALO 51
Kujaya Muntu Ciindi Capobwe Lyakusekelela Buzuba Bwakuzyalwa
Kuzyana kwa Salome kwamunonezya kapati Heroda cakuti wasyomezya kuti ulamupa kufwumbwa ncayanda. Ino ncintu nzi cibi kapati ncaalomba kucitilwa?
CIBALO 52
Kusanina Zyuulu Zyabantu Kubelesya Zinkwa Answi Zisyoonto
Maleele aa Jesu aaya mapati cakuti alilembedwe mumabbuku aa Makani Mabotu oonse one.
CIBALO 53
Mweendelezi Uukonzya Kweendelezya Zilengwaleza
Nziiyo nzi nzyobaiya baapostolo ciindi Jesu naayenda atala aameenda akuumuzya muwo?
CIBALO 54
Jesu—“Cinkwa Cabuumi”
Nkaambo nzi Jesu ncaabasinsa bantu nokuba kuti basoleka kapati kuboola kulinguwe?
CIBALO 55
Majwi aa Jesu Abayumya Mate Bantu Banji
Jesu wayiisya njiisyo imwi iiyumya mate mukanwa cakunga basikwiiya bakwe banji bamusiya.
CIBALO 56
Ino Ncinzi Cini Cisofwaazya Muntu?
Sena nceeco cinjila mukanwa lyamuntu, naa nceeco cizwa mumo?
CIBALO 57
Jesu Waponya Mwana Musimbi Amwaalumi Musinkematwi
Nkaambo nzi mukaintu ncaatanyema ciindi Jesu naakozyanisya bantu bakucisi cokwabo kutubwa?
CIBALO 58
Wavwuzya Zinkwa Akucenjezya Basikwiiya Kujatikizya Bumena
Mane limwi basikwiiya bauzyiba musyobo wabumena ngwaamba Jesu.
CIBALO 59
Ino Mwanaamuntu Nguni?
Ino makkii aa Bwami ninzi? Ino nguni waabelesya, alimwi waabelesya buti?
CIBALO 60
Cilengaano Cakusanduka—Ikubona Kristo Mubulemu Bwakwe
Ino cilengaano cakusanduka ncinzi? Ino caamba nzi?
CIBALO 61
Jesu Waponya Mulombe Uunjidwe Daimona
Jesu waamba kuti caala kuponya akaambo kakuceya kwalusyomo, pele ino nguni uujisi lusyomo luniini? Sena mulombe, bausyi, naa mbaasikwiiya ba Jesu?
CIBALO 63
Jesu Wapa Lulayo Lujatikizya Kulebya Bamwi Alimwi Acibi
Wapandulula ntaamu zyotatwe zyeelede kutobelwa mukubamba twaambo tupati akati kababunyina.
CIBALO 64
Mbociyandika Kulekelela Bamwi
Kwiinda mukubelesya cikozyanyo camuzike uutakwe luse, Jesu watondezya mbwaali mapati mumeso aa Leza makani aakuti katubalekelela bamwi camoyo woonse.
CIBALO 65
Kuyiisya Nali Mulweendo Lwakuya ku Jerusalemu
Mumibandi yotatwe mifwaafwi, Jesu wayubununa mizeezo iikonzya kumulesya muntu kumutobela.
CIBALO 66
Ku Jerusalemu ku Pobwe lya Zivwuka
Ino ncinzi cakapa baabo ibakali kumuswiilila Jesu kuyeeya kuti wakanjidwe daimona?
CIBALO 67
“Takunabede Muntu Waambaula Bobuya”
Mubwini, boonse bamunkuta mpati yaba Juda tabamuyandi Jesu, pele omwe munkuta eeyi waba acamba cakwaambaula akumwiiminina.
CIBALO 68
Mwana wa Leza “Mumuni Wanyika”
Jesu wakaamba kuti “kasimpe kayoomwaangununa.” Kwaangunuka kunzi?
CIBALO 69
Ino Swaabo Nguni—Ngu Abrahamu Naa Diabolosi?
Jesu waamba mbobakonzya kuzyibwa bana ba Abrahamu, alimwi akuti Bausyi mbaani ncobeni.
CIBALO 70
Jesu Waponya Muntu Wakazyalwa Kali Moofwu
Basikwiiya babuzya kaambo muntu ooyu ncaakazyalwa kali moofwu. Sena wakabisya? Sena bazyali bakwe bakabisya? Bantu baindana mbobacita ciindi Jesu naaponya muntu ooyu.
CIBALO 71
Ba Farisi Bamuzumanana Muntu Iwakali Moofwu
Muntu iwakali moofwu iwaamba twaambo tumvwika wabanyemya ba Farisi. Cacitika ncimunya ncobali kuyoowa bazyali bakwe, ba Farisi bamutanda mucikombelo.
CIBALO 72
Jesu Watuma Basikwiiya Bali 70 Kuyookambauka
Mu Judaya, Jesu watuma basikwiiya bali 70 mutukamu twabantu bobilo-bobilo kuyookambauka Bwami. Ino basikwiiya aaba bayoobajana kuli bantu bakukambaukila, mucikombelo naa mumaanda aabantu?
CIBALO 73
Mu Samariya Watondezya Kuti Ngusimukobonyina
Ino mbuti Jesu mbwaabelesya caano camu Samariya mubotu kuyiisya ciiyo cipati?
CIBALO 74
Ziiyo Zijatikizya Kusamausya Beenzu Alimwi Akupaila
Jesu waswaya Mariya a Marta kuŋanda yabo. Ino ncinzi ncaabayiisya kujatikizya kusamausya beenzu? Alimwi ino mbuti kumbele mbwaayiisya basikwiiya bakwe kujatikizya ncobeelede kupailila?
CIBALO 75
Jesu Watondezya Cini Cipa Kukkomana
Jesu wabavwiila basikumukazya, wabaambila kujatikizya “munwe wa Leza” alimwi a Bwami bwa Leza mbobwabasikila cakutayeeyela. Alimwi watondezya mbobakonzya kuba alukkomano lwini-lwini bantu.
CIBALO 76
Jesu Walya amu Farisi
Jesu wabasinsa balembi aba Farisi basikuupaupa ameso mumakani aabukombi. Ino mikuli nzi milemu njobatukka bantu?
CIBALO 77
Jesu Wapa Lulayo Kujatikizya Buvwubi
Jesu waamba cikozyanyo camuntu muvwubi iwakayaka matala mapati. Ino ndulayo nzi ndwaainduluka kujatikizya ntenda iiliko mukuyandaula buvwubi?
CIBALO 78
Kamulibambilide Lyoonse, Mubanzi Uusyomeka
Jesu watondezya kuti ulibikkilide maano kubona kuti basikwiiya bakwe mbayumu kumuuya. Ino mulimo nzi ngwanakucita mubanzi mukupa kuti bazumanane kuyuma kumuuya? Nkaambo nzi lulayo lujatikizya kuba bantu balibambilide lyoonse ncoluyandika?
CIBALO 79
Ilunyonyooko Ncolucili Kumbele
Jesu waamba kuti aabo mbasola kugwasya bayoonyonyoonwa ikuti bateempwi. Sena balacibikkila maano ciiyo ciyandika kapati ncali mukubayiisya Jesu kujatikizya kuyeeya mbocibede cilongwe cabo a Leza?
CIBALO 80
Mweembezi Mubotu Alimwi Azyaanda Zyambelele
Mweembezi mbwazilanganya mbelele zyakwe ncitondezyo cibotu icitondezya Jesu mbwalimvwa kujatikizya basikwiiya bakwe. Sena banoozibikkila maano njiisyo zyakwe akutobela busolozi bwakwe?
CIBALO 81
Mbamwi a Bausyi, Pele Tali Leza
Bantu bamwi ibamukazya Jesu bamutamikizya kuti ulipa kweelana a Leza. Ino mbuti cabusongo mbwaaikazya milandu yakubeja njobamupa?
CIBALO 82
Mulimo wa Jesu mu Pereya
Jesu wapanduluda baswiilizi bakwe ncobeelede kucita kutegwa bakafwutuke. Lulayo lwakwe lwakali kuyandika kuciindi eeco. Ino mbuti mazuba aano?
CIBALO 83
Kwiitwa Kucakulya—Ino Mbaani Leza Mbaita?
Nali mukulya kuŋanda yamu Farisi, Jesu waamba cikozyanyo cacilalilo cipati. Ujisi ciiyo cipati ncayanda kuyiisya bantu ba Leza boonse. Ino nciiyo nzi?
CIBALO 84
Ino Makani Aakuba Sikwiiya Mapati Buti?
Kuba sikwiiya wa Kristo mukuli mupati. Jesu wacisalazya icijatikizyidwe. Bantu bamwi ibalangilwa kuba basikumutobela inga bagambwa kumvwa ncaamba.
CIBALO 85
Kukondwa Akaambo Kasizibi Iweempwa
Balembi aba Farisi bamutongooka Jesu akaambo kakuyanzana abantu-bantu buyo. Mukuvwiila, Jesu waamba zikozyanyo izitondezya Leza mbwababona basizibi.
CIBALO 87
Amulibambile Zyakumbele—Amubelesye Busongo Bugwasya
Jesu wabelesya cikozyanyo camubanzi uucenjede alimwi uutaluleme ikuyiisya ciiyo cigambya.
CIBALO 88
Kucinca Kwabukkale Bwamuvwubi Alimwi Abwa Lazaro
Nzila iigwasya kumvwisya cikozyanyo eeci ca Jesu nkuzyiba ncobaiminina bantu bobilo ibaambidwe kapati mulincico.
CIBALO 89
Kuyiisya mu Pereya Nali Munzila Kuya ku Judaya
Wapandulula bube ibukonzya kutugwasya kubalekelela zibi nobaba baabo batubisyila cakwiinduluka-induluka.
CIBALO 90
“Bubuke Abuumi”
Ino Jesu wakali kupandulula nzi naakaamba kuti aabo bamusyoma ‘tabakafwi pe’?
CIBALO 91
Lazaro Wabusyigwa
Twaambo tobilo tutakonzyi kukazyigwa itujatikizya maleele aaya, twapa kuti nobaba basikumukazya Jesu baalilwe kutondezya kuti ngakubeja.
CIBALO 92
Basicinsenda Bali Kkumi Baponesyegwa—Omwe Watondezya Kuti Walumba
Mwaalumi ooyu iwaponesyegwa tanaalumba buyo Jesu alikke pe, pele kuli aumbi ngwaalumba.
CIBALO 94
Zintu Zyobilo Zipati—Kupaila Alimwi Akulicesya
Mucikozyanyo cakwe camubetesi mubi alimwi amukamufwu, Jesu wakankaizya mbobuyandika bube bumwi.
CIBALO 95
Kuyiisya Kujatikizya Kulekana Alimwi Akuyanda Bana
Jesu waindana kapati abasikwiiya bakwe kujatikizya mbwabona bana. Nkaambo nzi?
CIBALO 96
Jesu Wavwiila Mulombwana Muleli Alimwi Muvwubi
Ncinzi capa kuti Jesu aambe kuti ncuuba-uba kunkamela ikwiinda mukapulo kanyeleti yakusumya kwiinda mbocibede kumuvwubi kunjila mu Bwami bwa Leza?
CIBALO 97
Cikozyanyo Cababelesi Bamumuunda Wamisaansa
Ino mbuti bakusaanguna mbobaba bakumamanino abakumamanino mbobaba bakusaanguna?
CIBALO 98
Baapostolo Alimwi Bayanda Kuba Ampuwo
Jakobo a Johane balomba kupegwa zyuuno zyaatala mu Bwami, pele tabali balikke baziyanda.
CIBALO 99
Jesu Waponya Baalumi Boofwu Alimwi Akugwasya Zakeyo
Ino mbuti mbotukonzya kwaayendelanya makani aamu Bbaibbele aamba Jesu mbwaakaponya moofwu munsi-munsi a Jeriko?
CIBALO 100
Cikozyanyo Camamaina Aali Kkumi
Ino Jesu wakali kupandulula nzi naakaamba kuti: “Umwi aumwi uujisi uyoopegwa azimwi, pele ooyo uutajisi, uyoonyangwa noziba zyeezyo nzyajisi’?
CIBEELA 6
Mulimo wa Jesu Wamamanino
CIBALO 101
Kulida Kuŋanda ya Simoni ku Betaniya
Mariya, imucizyi wa Lazaro wacita cintu cimwi icapa kuti bantu bamwi batalike kutongooka, pele Jesu wamwiiminina.
CIBALO 102
Mwami Wanjila mu Jerusalemu Katantide Amwana Wambongolo
Wazuzikizya businsimi ibwakalembwa myaka iisika ku 500 yainda.
CIBALO 103
Tempele Lyasalazyigwa Alimwi
Basambazi mu Jerusalemu baboneka kuti bacita makwebo aali buyo kabotu, pele ino nkaambo nzi Jesu ncaabaamba kuti mbabbi?
CIBALO 104
Ba Juda Bamvwa Jwi lya Leza—Sena Balatalika Kusyoma?
Sena kuli kwiindana ikuliko akati kakusyoma Jesu alimwi akubweza ntaamu akaambo kalusyomo oolo?
CIBALO 105
Mukuyu Wabelesyegwa Kuyiisya Ciiyo Cijatikizya Lusyomo
Jesu wayiisya basikwiiya bakwe kujatikizya nguzu zyalusyomo alimwi wapandulula capa kuti Leza acikake cisi ca Israyeli.
CIBALO 106
Zikozyanyo Zyobilo Zyamyuunda Yamisaansa
Amujane bupanduluzi bwazikozyanyo zyamuntu wakaambila bana bakwe kuyoobelekela mumuunda wakwe wamisaansa acamwaalumi iwakasiya muunda wakwe wamisaansa mumaanza aabalimi babi.
CIBALO 108
Jesu Wanyonganya Makanze Aakuti Bamujanine Kaambo
Cakusaanguna waumuzya ba Farisi, kumane ba Saduki, mpoonya kumamanino nkamu yoonse yabasikumukazya.
CIBALO 109
Kusinsa Basikumukazya Ibakombi
Ino nkaambo nzi Jesu ncaatabaleka buyo bakombi bambi boonse?
CIBALO 110
Buzuba Bwamamanino bwa Jesu Kutempele
Wabelesya cikozyanyo camukamufwu mucete kuyiisya ciiyo ciyandika kapati.
CIBALO 111
Baapostolo Balomba Kupegwa Citondezyo
Businsimi bakwe bwakazuzikizyigwa ciindi cakusaanguna mumwaanda wamyaka wakusaanguna. Sena alimwi bwakali kuyoozuzikizyigwa munzila mpati kumbele?
CIBALO 112
Ciiyo Cijatikizya Kupakamana—Banakalindu
Sena Jesu wakali kuyiisya kuti cisela cabasikwiiya bakwe mbafwubafwuba mpoonya cisela cimwi balicenjede?
CIBALO 113
Ciiyo Cijatikizya Bunkutwe—Matalenta
Caano ca Jesu cipandulula majwi ngaamba aakuti: “Umwi aumwi uujisi uyoopegwa azimwi.”
CIBALO 114
Kristo Kapedwe Nguzu Wabeteka Mbelele Ampongo
Kabelesya caano cinjila mumoyo, Jesu wayiisya kujatikizya mpoluyakuyaama lubeta lwacisubulo citamani.
CIBALO 115
Pobwe Lyakwiindilila Lyamamanino lya Jesu Lyasika
Nkaambo nzi ncaali mapati makani aakuti basololi babukombi bamvwana kuti babbadele Judasi mali aansiliva aali 30 buyo kutegwa amwaabe Jesu?
CIBALO 116
Kuyiisya Ciiyo Cakulicesya ku Pobwe Lyakwiindilila Lyamamanino
Wabagambya baapostolo kwiinda mukucita mulimo uucitwa amuzike.
CIBALO 117
Mulalilo wa Mwami
Jesu watalisya ciibalusyo eeco basikumutobela ncobeelede kucita amwaka mu Nisani 14.
CIBALO 118
Baapostolo Bakazyanya Kujatikizya Mupati Kwiinda Boonse
Baapostolo baciluba kale ciiyo ncaabayiisya Jesu musyule mangolezya ngoonya aayo.
CIBALO 119
Jesu—Nenzila, Ngokasimpe, Mbobuumi
Jesu wayiisya makani mapati kujatikizya mbwakonzya kusikilwa Leza.
CIBALO 120
Kuzyala Micelo Mbuli Mitabi Alimwi Akuba Beenzinyina Jesu
Ino muunzila nzi basikwiiya ba Jesu ‘mobazyala micelo’?
CIBALO 121
“Amube Basicamba! Mebo Ndaizunda Nyika”
Ino Jesu wakaizunda buti nyika ikuti naa nyika njiyakamujaya?
CIBALO 122
Mupailo wa Jesu Wamamanino Kabali Muŋanda Yamujulu
Wacisalazya kuti wakazuzikizya mulimo mupati kapati kwiinda kuleta lufwutuko kubantu.
CIBALO 123
Wapaila Kapengede Kapati Mumoyo
Nkaambo nzi Jesu ncaapaila kuti: “Koigusya nkapu eeyi kulindime”? Sena nkokuti uyanda kutija mukuli ngwajisi wakufwa kali cinunuzyo?
CIBALO 124
Kristo Waabwa Alimwi Akwaangwa
Judasi wacikonzya kumujana Jesu nokuba kuti mpaakati kabusiku.
CIBALO 126
Jesu Wakakwa Kuŋanda ya Kayafa
Ino caba buti kuti Petro, imwaalumi uulaalusyomo luyumu alimwi uulyaabide, wamukaka Jesu?
CIBALO 127
Wabetekwa a Nkuta Mpati Yaba Juda, Mpoonya Watolwa Kuli Pilato
Basololi babukombi bwaba Juda bayubununa cini ncobakanzide.
CIBALO 128
Pilato a Heroda Bajana Kuti Tajisi Mulandu
Nkaambo nzi Pilato ncaatola Jesu kuli Heroda kuyoobetekwa? Sena Pilato tajisi nguzu zyakumubeteka Jesu?
CIBALO 129
Pilato Woompolola Kuti: “Amulange! Ngomuntu Ooyu!”
Naba Pilato wabona kuti Jesu ulaabube butaliboteli.
CIBALO 130
Jesu Waabwa Mumaanza Aabantu Akutolwa Kuyoojaigwa
Nkaambo nzi Jesu ncaambila bamakaintu ibalila kuti balilile lwabo beni alimwi abana babo muciindi cakulila nguwe?
CIBALO 131
Mwami Uutakwe Mulandu Wapenzyegwa Aacisamu
Jesu wasyomezya cigwebenga cimwi ncaagagailwa limwi buumi bubotu kapati bwakumbele.
CIBALO 132
“Ncobeni Muntu Ooyu Wali Mwana wa Leza”
Mudima uugambya iwakacitika masyikati, muzuzumo wanyika, alimwi akuyauka kwamulembo wamutempele zyoonse zisinizya kaambo komwe.
CIBALO 133
Mubili wa Jesu Wabambwa Akuzikkwa
Nkaambo nzi ncokwayandika kuti Jesu azikkwe cakufwambaana kalitanabbila zuba?
CIBALO 134
Tako Mucuumbwe Nkaambo Jesu Muumi!
Naabusyigwa, cakusaanguna Jesu waliyubununa kuli sikwiiya mukaintu muciindi cakucita boobo kubaapostolo bakwe.
CIBALO 135
Jesu Uubusyidwe Walibonya Kubantu Banji
Ino mbuti Jesu mbwaatondezya basikwiiya bakwe kuti wakabusyigwa ncobeni?
CIBALO 136
Kunkomwe ya Lwizi lwa Galilaya
Petro wayeezyegwa ziindi zyotatwe kujatikizya mbwakonzya kutondezya kuti ulamuyanda Jesu.
CIBALO 137
Bantu Banji Bamubona Kalitanasika Pobwe lya Pentekoste
Kabukide kubafwu pele katanaunka kujulu, cakwiinduluka-induluka Jesu wakankaizya kwaamba ceeco basikwiiya bakwe ncobakali kuyootambula alimwi ambobakali kuyoocibelesya.
CIBALO 138
Kristo Uli Kujanza lya Leza Lyalulyo
Ino Jesu wakali kunoocita nzi naakali kulindila ciindi cakuti abweze ntaamu yakulwana basinkondonyina?
CIBALO 139
Jesu Waleta Paradaiso Akumanizya Mulimo Wakwe
Jesu ucijisi zinji zyakucita katanabujola Bwami kuli Leza wakwe alimwi Usyi.
Kutegwa Mumwiiye Jesu, Amube . . .
Jesu watondezya bube buli lusele cakwiinduluka-induluka mubuumi bwakwe boonse.
Mulongo wa Magwalo
Amubelesye mulongo ooyu kujana busena mubbuku eeli aawo kapango kamwi akamwi mu Mabbuku aa Makani Mabotu mpokabandikwa.
Mulongo Wazikozyanyo (Zyaano)
Amujane cibalo mubbuku eeli oomo cikozyanyo ca Jesu cimwi acimwi mocibandikidwe.
Businsimi Bumwi Bujatikizya Mesiya
Amweendelanye zyakacitika mubuumi bwa Jesu kubusinsimi bwamu Bbaibbele ibumusinizya kuti ngo Mesiya alimwi azibalo mubbuku eeli oomo makani aaya nkwaabandikwa.
Masena Nkwaakakkala Akuyiisyila Jesu
Busena oobu butondezya ooko Jesu nkwaakacitila mulimo wakwe.
