Amubale Daniele 9:​1-19 kutegwa mubone kuba aciiyo cisitikide mbokukonzya kumugwasya.

Amwaazyibe kabotu makani aayengelede. Nzintu nzi izyakazwa akucitika, alimwi ino zyakamujatikizya buti Daniele? (Dan. 5:29–6:5) Ino nomwakalimvwa buti kuti nomwakali ndinywe?

Amwiiye Zinji. Ngaali “mabbuku aasalala” ngaakeelede kubelesya Daniele naakali kuvwuntauzya? (Dan. 9:​2, bupanduluzi buyungizyidwe; w11 4/1 12 ¶1) Nkaambo nzi Daniele ncaakalyaambilila zibi zyakwe alimwi azyabana Israyeli? (Lev. 26:​39-42; 1Bam. 8:​46-50; dp 182-184) Mbuti mupailo wa Daniele mboutondezya kuti wakali musungu kubala Jwi lya Leza?—Dan. 9:​11-13.

Ncinzi ncotwiiya? Amulibuzye kuti:

• ‘Mbuti mbondikonzya kweeleba kunyonganizyigwa azintu zicitika munyika?’ (Mik. 7:7)

• ‘Mbuti mbondikonzya kugwasyigwa kwiinda mukubala Jwi lya Leza cabusungu, mbubwenya mbwaakacita Daniele?’ (w04 8/1 22 ¶17)

• ‘Ciindi nondicita ciiyo cangu ndemwini, zibalo nzi zikonzya kundigwasya kuzumanana ‘kulangila’?’ (Mt. 24:​42, 44; w12 8/15 5 ¶7-8)