Mibuzyo Yamu Bbaibbele Yaingulwa
Sena cilakonzyeka kubumana bucete munyika?
Ino Mbuti Leza mbwayoobumana bucete munyika?—MATAYO 6:9, 10.
Kuvwula kwabucete kulajaya mamiliyoni aabantu mwaka amwaka akaambo kamalwazi alimwi akubula zyakulya. Nokuba kuti zisi zimwi zilivwubide, bunji bwabantu mbacete citaambiki. Ibbaibbele litondezya kuti bucete ndipenzi ilyazumanana kukatazya bantu kwaciindi cilamfwu.—Amubale Johane 12:8.
Inga kwayandika mfwulumende yanyika yoonse kutegwa bucete bumane. Mfwulumende eeyo inga yayandika kuba anguzu zyakwaabanya zintu munzila yeelede alimwi akumana nkondo, zyalo zipa kuti kakuli bucete. Leza wasyomezya kuti mfwulumende iili boobo iyooboola.—Amubale Daniele 2:44.
Ino nguni uukonzya kubumana bucete?
Leza wasala Mwanaakwe Jesu, kuti ayendelezye bantu boonse. (Intembauzyo 2:4-8) Jesu uyoobavwuna bacete akugwisya kudyaaminina alimwi ankondo.—Amubale Intembauzyo 72:8, 12-14.
Mbuli mbokwakasinsimwa kujatikizya “Mwami Waluumuno,” Jesu uyooleta luumuno akuliiba munyika yoonse. Mpoonya bantu boonse munyika bayookkala mumaanda aabo beni, bayoobeleka milimo iikkomanisya, alimwi banoojisi zyakulya zinji.—Amubale Isaya 9:6, 7; 65:21-23.
Andiza Inga Mwaakkomanina Ayaaya
SINSIMUKA!
Bulangizi Kuli Baabo Batajisi Kwakukkala Alimwi Abacete
Njiisyo zijanika mu Bbaibbele zilakonzya kumugwasya mumakani aamali alimwi akuba abuumi bubotu.
MIBUZYO YAMU BBAIBBELE YAINGULWA
Ino Bwami bwa Leza Buyoocita Nzi?
Amwiiye zyintu nzyomukonzya kujana ciindi mfwulumende ya Leza noiyakulela nyika.
