Mamaapu Aamu Bbaibbele
Kabbuku ka ‘Atubone Nyika Mbotu,’ kajisi mamaapu aamu Bbaibbele aakonzya kumugwasya kulimvwisya kabotu Bbaibbele lyaciiyo canu nobeni. Bbaibbele lilaamba kujatikizya masena aaindene-indene. Kubelesya kabbuku aaka kulakonzya kupa kuti kamukukkomanina kubala Bbaibbele. Kayoomugwasya kweezyeezya, akwaajana masena nkozyakali kucitikila zintu zilembedwe mu Bbaibbele. Alimwi kayoomugwasya kumvwisya masena aayo mbwaakali kupa kuti zintu zicitike kweelana ambozyaambidwe mu Bbaibbele.
Kabbuku aaka kajisi mamaapu aalibonya kabotu, alimwi amaccaati aamasena aaindene-indene aambidwe mu Bbaibbele. Kuyungizya waawo, kalijisi zifwanikiso, zikozyanyo zyakazekaulwa akkompyuta, azibeela zimwi zibotu zikonzya kupa kuti mukukkomanine kucita ciiyo canu nobeni.
Kabbuku aaka ikajisi mamaapu kayoomugwasya
kumvwisya nyendo zya Abrahamu, Izaka, alimwi a Jakobo
kubona migwagwa njobakali kwiinda bana Israyeli nobakalonga mu Egepita kuunka ku Nyika Yakasyomezyedwe
kubona busena mpobakakkede bana Israyeli abusena bwabasinkondonyina bakabazingulukide
kubona masena mwaakainda Jesu mumulimo wakwe
kumvwisya mbobwakali bupati busena bwakali kweendelezyegwa azisi mbuli Babuloni, Girisi, alimwi a Roma
Mulakonzya kukajana kabbuku aaka aa LAIBBULALI YAA INTANETI ya Watchtower.
Andiza Inga Mwaakkomanina Ayaaya
ZIBELESYO IZIGWASYA KWIIYA BBAIBBELE
Kapango Kamu Bbaibbele Kabuzuba
Kabbuku ka Kulingaula Magwalo Abuzuba kapa lugwalo lugaminide lwamu Bbaibbele lwabuzuba bumwi abumwi, alimwi abupanduluzi bwakapango aako.
ZIBELESYO IZIGWASYA KWIIYA BBAIBBELE
Twaambo Twamu Bbaibbele Tubikkidwe Kweelana Amulongo
Bbuku litegwa Insight on the Scriptures lijisi mabala manji kapati. Mabala aaya ajatikizya bantu, masena, zisyango, banyama, zintu zyakacitika ziyandika, alimwi amabala amaambilambali aali mu Bbaibbele. Bbuku likonzya kucitwa daunilodi lilabikkilizya amamaapu, zifwanikiso, mulongo wamabala kweelana atwaambo, alimwi amagwalo.
ZIBELESYO IZIGWASYA KWIIYA BBAIBBELE
Twaambo Mubufwaafwi Kujatikizya Bbaibbele
Broshuwa yakuti The Bible—What Is Its Message? ijisi twaambo mubufwaafwi kujatikizya makani aali mu Bbaibbele alimwi akwaamba mubufwaafwi mulumbe uuli mumo.