Buk Song 146:1-10
146 Preisim Ja!*+
Mi bai preisim Jehova.+
2 Long taim mi stap laip, mi bai preisim Jehova.
Yes, mi bai singim ol song bilong preisim* God bilong mi long taim mi stap laip.
3 Yupela i no ken bilip long ol man i gat namba
Na long ol man,* long wanem, ol i no inap kisim bek yupela.+
4 Taim strong bilong laip bilong man i lusim em, em i go bek long graun;+Long dispela taim tingting bilong em i pinis olgeta.+
5 Man i askim God bilong Jekop long helpim em,* em i ken amamas.+
Em i bilip na wet long Jehova, em God bilong em,+
6 Em Man Bilong Wokim heven na graun,Solwara na olgeta samting i stap long en,+Na Man i save bihainim tru olgeta tok bilong em,+
7 Na Man i helpim ol man em ol arapela i giamanim ol,Na Man i save givim kaikai long ol man i hangre.+
Jehova i save pinisim kalabus bilong ol man i stap kalabus.*+
8 Jehova i save mekim ol aipas i lukluk gen;+Jehova i save litimapim ol manmeri em hevi i daunim ol;+Jehova i save laikim ol stretpela manmeri.
9 Jehova i save lukautim ol man bilong narapela ples;Em i save helpim wido na pikinini i no gat papa,+Tasol em i save paulim ol samting ol man nogut i laik mekim.+
10 Jehova bai i stap King oltaim oltaim,+Saion, God bilong yu, bai i stap king oltaim oltaim.
Preisim Ja!*
Ol Futnot
^ O, “Haleluya.” “Ya” o “Ja” em sotpela wei bilong kolim nem Jehova.
^ O, “mekim musik long.”
^ O, “ol pikinini bilong man.”
^ O, “Man em God bilong Jekop i stap helpim bilong em.”
^ Hib., “em ol i pasim ol.”
^ O, “Haleluya.” “Ya” o “Ja” em sotpela wei bilong kolim nem Jehova.
