Eklisiastis 1:1-18
1 Dispela em ol tok bilong man bilong bungim ol manmeri,+ em i pikinini man bilong Devit, na em i stap king long Jerusalem.+
2 Man bilong bungim ol manmeri i tok, “Ol samting i no gat as tru bilong en!”
“Ol samting i no gat as tru bilong en! Olgeta samting i olsem samting nating tasol!”+
3 Man inap kisim wanem samting long olgeta hatwok bilong emWe em i save wok hat long mekim aninit long san?+
4 Wanpela lain pipol i kamap na i go, na narapela lain pipol i kamap,Tasol graun i save stap* oltaim oltaim.+
5 San i save kam antap,* na san i save go daun;Na bihain em i save hariap i go bek* long ples em i kamap long en.+
6 Win i save go long hap saut na raunim i go long hap not;Em i save raunim raunim long sekol; oltaim win i save mekim dispela raun bilong en.
7 Olgeta hanwara i save ron i go long solwara, tasol solwara i no save pulap.+
Long hap we ol hanwara i save ron i kam long en, wara i save go bek long dispela hap, na bai em i ken ron i kam bek gen.+
8 Olgeta samting i save mekim man i taiet nating;I no gat wanpela man inap stori gut long ol dispela samting.
Ai i no save les long lukluk;Na yau i no save les long harim.
9 Samting i bin i stap, em bai stap olsem,Samting i bin kamap, em bai kamap gen;I no gat wanpela nupela samting i kamap aninit long san.+
10 Olsem wanem? I gat wanpela samting i kamap na man inap tok, “Lukim dispela—em nupela samting”?
Dispela samting i bin stap bipo yet;Em i bin stap paslain long taim bilong yumi.
11 I no gat man i save tingim ol manmeri bilong taim bipo;Na i no gat man inap tingim ol manmeri i kamap bihain;Na ol manmeri i kamap bihain i no inap tingim ol manmeri bai kamap bihain bihain.+
12 Mi, man bilong bungim ol manmeri, mi stap king bilong Israel long Jerusalem.+
13 Long rot bilong yusim savetingting,+ mi givim bel olgeta long stadim na painimaut olgeta samting i bin kamap long graun+—olgeta kain wok i save bringim hevi em God i bin givim long ol manmeri bilong mekim na bai ol i bisi long wok.
14 Mi lukim olgeta wok em ol man i bin mekim aninit long san,Na lukim! Olgeta samting i no gat as bilong en, na i olsem man i ron i go bilong holimpasim win.+
15 Samting i krungut, man i no inap stretim,Na samting i no stap, man i no inap kaunim.
16 Nau long bel bilong mi, mi tok: “Man! Mi bin kisim bikpela savetingting winim olgeta man i bin stap paslain long mi long Jerusalem,+ na bel bilong mi i kisim bikpela savetingting na save.”+
17 Mi givim bel olgeta long kisim save long savetingting na long kisim save long olkain longlong pasin* na pasin bilong i no gat gutpela tingting,+ na dispela tu i olsem man i ron i go bilong holimpasim win.
18 Long wanem, planti savetingting i save bringim planti bel hevi,Olsem na man i kisim planti save moa, pen bilong em bai i go bikpela moa.+
Ol Futnot
^ Hib., “sanap i stap.”
^ O, “lait”
^ O, “sotwin wantaim na i go bek.”
^ O, “longlong pasin i nogut tru.”
