“Mi laik bai famili bilong mi i stap amamas. Mi na meri bilong mi i gat sampela hevi long marit bilong mipela, na ol dispela hevi i go bikpela bihain long mipela i gat ol pikinini. Mipela nidim helpim”

BAIBEL I TOK:

“Man i gat gutpela tingting na save, em bai i gat gutpela haus, na famili bilong en bai i kamap strong.”—Sindaun 24:3.

SAMPELA HAP BILONG WEB-SAIT

Hap i gat tok “Couples & Parents” inap helpim yu long karim ol hevi olsem:

• Winim ol hevi bilong namba wan yia bilong marit

• Stap gut wantaim ol tambu

• Skulim na stretim ol pikinini

• Tok pait

• Ol hevi bilong mani

(Lukim het tok BIBLE TEACHINGS > COUPLES & PARENTS)

Buk Rot Bilong Famili i Ken Stap Amamas i kamapim planti tok bilong helpim famili, em i stori long ol samting yu ken mekim taim yu stap singel bilong redim yu yet long marit, na i go inap long taim yu mas lukautim ol lapun papamama bilong yu.

(I stap tu long Intenet long www.pr2711.com. Lukim het tok PUBLICATIONS > BOOKS & BROCHURES)

“Ol pikinini bilong mi i bikpela samting moa long mi winim ol narapela samting. Mi laik bai ol i kamap man na meri em mi ken amamas tru long ol”

BAIBEL I TOK:

“Skulim pikinini bilong yu long bihainim gutpela pasin, na em bai i wokabaut long dispela rot inap long em i lapun tru.”—Sindaun 22:6.

SAMPELA HAP BILONG WEB-SAIT

Long hap i gat tok “Children” i gat ol stori bilong Baibel wantaim ol piksa komik, ol piksa ektiviti, ol vidio, na ol lesen bilong Baibel we i ken helpim yu long skulim ol pikinini bilong yu long . . .

• bihainim tok

• mekim pasin helpim

• stap gut wantaim ol narapela brata o susa bilong ol

• kisim pasin bilong tok “tenkyu”

(Lukim het tok BIBLE TEACHINGS > CHILDREN)

Buk Baibel Stori Buk Bilong Mi na Kisim Skul Long Bikpela Tisa i gat planti naispela piksa long en na em bilong yu long ritim wantaim ol pikinini bilong yu.

(I stap tu long Intenet long www.pr2711.com. Lukim het tok PUBLICATIONS > BOOKS & BROCHURES)

“Mi laik kisim sampela tok bilong helpim mi long sait bilong skul, ol papamama, ol pren bilong mi, na pasin bilong boipren o gelpren. Mi no liklik pikinini moa, olsem na mi no laik wanpela i tokim mi long ol samting mi mas mekim”

BAIBEL I TOK:

“Yupela yangpela manmeri, yupela i mas amamas long taim yupela i yangpela yet.”—Saveman 11:9.

SAMPELA HAP BILONG WEB-SAIT

Long hap i gat tok “Teenagers” i gat ol atikol na ol vidio we i ken helpim yu . . .

• sapos yu pilim wanpis

• sapos yu gat sampela hevi long skul

• sapos yu brukim lo papamama i putim

• sapos ol narapela pikinini i daunim yu o tok pilai nogut long yu o tatsim yu long wei i no stret

(Lukim het tok BIBLE TEACHINGS > TEENAGERS)

Buk Questions Young People Ask—Answers That Work volium 1 na 2 i kamapim bekim bilong 77 bikpela askim em planti yangpela i save mekim.

(I stap tu long Intenet long www.pr2711.com. Lukim het tok PUBLICATIONS > BOOKS & BROCHURES)

“Mi laik kliagut moa long ol tok bilong Baibel. Mi mas mekim wanem?”

BAIBEL I TOK:

“God em i as bilong olgeta tok i stap long Rait Holi, na ol i gutpela long skulim man.”—2 Timoti 3:16.

SAMPELA HAP BILONG WEB-SAIT

Baibel New World Translation of the Holy Scriptures em wanpela Baibel we ol i tanim stret ol tok bilong en na i isi long ritim.

(Lukim het tok PUBLICATIONS > BIBLE)

Hap “Bible Questions Answered” i kamapim ol bekim bilong ol askim olsem, “Why did God allow the Holocaust to happen?” na “When was Jesus born?”

(Lukim het tok BIBLE TEACHINGS > BIBLE QUESTIONS ANSWERED)

Hap “Request a Free Bible Study” i givim rot long yu long insait long fri Baibel stadi kos em mipela i save mekim.

(Klikim “Request a Bible Study” tab i stap long hom pes)

“Mi givap long ritim Baibel bikos mi no bin kliagut long ol tok bilong en. Tasol taim mi kirap yusim buk ‘Tru Tru Baibel i Tok Wanem?’ bilong stadi long Baibel, mi kirap nogut olsem ol tok bilong Baibel i klia na isi long kisim gut mining bilong en.”—Christina.