Ritim Jeremaia 38:​1-13 bilong kisim save long pasin bilong profet Jeremaia na bikman Ebetmelek long strongim bel.

Skelim ol tok i stap paslain na bihain. Olsem wanem Jeremaia i strongim bel na autim tok Jehova i givim long em? (Jer. 27:​12-14; 28:​15-17; 37:​6-10) Tok bilong em i kirapim ol manmeri long mekim wanem?—Jer. 37:​15, 16.

Mekim sampela moa wok painimaut. Jeremaia i feisim wanem presa? (jr-E 26-27 par. 20-22) Kisim sampela save long ol hulwara bilong bipo. (it-1-E 471) Jeremaia i pilim olsem wanem taim em i stap long hulwara i pulap long graun malumalum? Wanem sampela samting inap pretim Ebetmelek na em i mas wok strong long daunim?—w12 5/1 31 par. 2-3.

Luksave long ol skul yu kisim. Askim yu yet:

• ‘Dispela stori i givim wanem skul long mi long pasin bilong Jehova long lukautim ol gutpela wokman bilong em?’ (Sng. 97:10; Jer. 39:​15-18)

• ‘Long wanem ol taim mi mas soim olsem mi gat strongpela bel?’

• ‘Olsem wanem mi ken strongim pasin bilong strongim bel taim mi stap long presa?’ (wp11 3/1 30) a