Kisim save long ol miting bilong mipela. Painim ples bilong miting i stap klostu long hap bilong yu.

Ol Witnes Bilong Jehova i save mekim ol miting bilong lotu 2-pela taim long olgeta wik. (Hibru 10:24, 25) Long ol dispela miting, olgeta i welkam long kam, mipela i skelim ol tok Baibel i mekim na olsem wanem mipela i ken bihainim tok bilong en long laip bilong mipela.

Long planti miting bilong mipela, i gat ol askim na bekim we odiens i ken givim ol komen, em kain olsem askim na bekim i save kamap long klasrum. Em laik bilong man yet sapos em i laik bekim tok. Ol miting i kirap na pinis long rot bilong singsing na prea.

Yu ken kam long ol miting bilong mipela maski yu no wanpela Witnes Bilong Jehova. Mipela i invaitim olgeta man long kam. Ol miting i fri. Mipela i no save singaut long mani o salim plet.