Tipisalema 4:1-8
Eka mufambisi; risimu leri fambisanaka ni switende. Miloti ya Davhida.
4 Ndzi hlamule loko ndzi ku vitana, wena Xikwembu xanga xo lulama.+
Ndzi ponise emaxangwini ya mina.
Ndzi kombe tintswalo, u yingisa xikhongelo xa mina.
2 N’wina vanhu, xana mi ta ndzi khomisa tingana ku fikela rini?
Mi ta rhandza leswi nga pfuniki nchumu ni ku lava leswi nga riki ntiyiso ku fikela rini? (Selah)
3 Swi tiveni leswaku Yehovha u ta khoma nandza wakwe wo tshembeka hi ndlela yo hlawuleka;Yehovha u ta ndzi yingisa loko ndzi n’wi vitana.
4 Hlundzukani kambe mi nga dyohi.+
Vulavulani hi mbilu mi ri emubedweni wa n’wina, kutani mi miyela. (Selah)
5 Endlani magandzelo ya leswo lulama,Naswona mi tshemba Yehovha.+
6 Ku ni vo tala lava nge: “I mani la nga ta hi endlela leswinene?”
Hi kombe tintswalo, Yehovha.+
7 U endla leswaku mbilu ya mina yi tsaka swineneKu tlula lava nga ni koroni yo tala ni vhinyo leyintshwa.
8 Ndzi ta pavalala ndzi etlela hi ku rhula,+Hikuva hi wena ntsena Yehovha u endlaka leswaku ndzi tshama ndzi sirhelelekile.+
