Tipisalema 55:1-23
Eka mufambisi; risimu leri fambisanaka ni switende. Maskili* ya Davhida.
55 Yingisa xikhongelo xa mina, Xikwembu xanga,+U nga ndzi fularheli loko ndzi kombela ku kombiwa tintswalo.*+
2 Ndzi yingise, u ndzi hlamula.+
Swiphiqo swa mina a swi ndzi dyisi byi rhelela,+Ndzi karhatekile
3 Hikwalaho ka leswi nala a swi vulakaNi ku tshikileriwa hi lowo homboloka.
Hikuva va ndzi vangela swiphiqo swo tala,Va ndzi venga hi ndlela ya tihanyi.+
4 Mbilu ya mina ya vava,+Ndzi khomiwe hi ku chava rifu.+
5 Ndzi teriwa hi ku chava ni ku rhurhumela,Ndzi khomiwa hi ku rhurhumela.
6 Ndzi tshamela ku vula ndzi ku: “Loko a ndzi ri ni timpapa ku fana ni tuva!
A ndzi ta haha ndzi ya tshama endhawini leyi sirhelelekeke.
7 A ndzi ta balekela ekule.+
A ndzi ta tshama emananga.+ (Selah)
8 A ndzi ta hatla ndzi ya endhawini yo tumbela eka yonaEkule ni moya wa matimba ni le kule ni xidzedze.”
9 Yehovha Xikwembu xanga, va pfilunganye u onha makungu ya vona,+Hikuva ndzi vone madzolonga ni hasahasa emutini.
10 Vusiku ni nhlikanhi swi fambafamba ehenhla ka makhumbi ya wona;Endzeni ka wona ku ni maxangu ni ku karhateka.+
11 Exikarhi ka wona ku ni khombo;Ntshikilelo ni vukanganyisi a swi suki erivaleni ra wona.+
12 Hikuva a hi nala loyi a ndzi tlhontlhaka;+Loko a swi ri tano a ndzi ta swi tiyiselela.
A hi nala loyi a ndzi pfukelaka;Loko a swi ri tano a ndzi ta n’wi tumbelela.
13 Kambe hi wena, munhu wo fana na mina,+Munghana wa mina loyi ndzi n’wi tivaka kahle.+
14 A hi hamba hi tiphina hi vunghana bya hina;A hi longoloka ni ntshungu hi ya endlwini ya Xikwembu.
15 Onge va nga lovisiwa!+
A va nghene eSirheni* va ha hanya;Hikuva vubihi byi tshama exikarhi ka vona, byi le ndzeni ka vona.
16 Loko ku ri mina ndzi ta huwelela Xikwembu,Naswona Yehovha u ta ndzi ponisa.+
17 Nimadyambu ni nimixo ni ninhlikanhi, ndza karhateka ni ku konya,+U yingisa rito ra mina.+
18 U ta ndzi ponisa a ndzi wisisa eka lava lwaka na mina,Hikuva mintshungu ya ta yi ta lwa na mina.+
19 Xikwembu xi ta swi twa xi va hlamula,+Loyi a tshameke exiluvelweni ku sukela khale.+ (Selah)
Va ta ala ku hundzuka,Lava nga xi chavangiki Xikwembu.+
20 U* hlasele lava a va nga lwi na yena;+U tlule ntwanano wakwe.+
21 Marito yakwe ma rheta ku tlula botere,+Kambe embilwini yakwe ku tele timholovo.
Marito yakwe ma olova ku tlula mafurha,Kambe i mabanga lama hlomuriweke.+
22 Lahlela ndzhwalo wa wena eka Yehovha,+U ta ku seketela.+
A nge pfuki a pfumerile leswaku la lulameke a wa.*+
23 Kambe wena Xikwembu xanga, u ta va wisela emugodini wo enta swinene.+
Lava nga ni nandzu wa ngati ni lava kanganyisaka, a va nge hanyi ni hafu ya vutomi bya vona.+
Kambe loko ku ri mina, ndzi ta tshemba wena.
Tinhlamuselo ta le hansi
^ Vona Tinhlamuselo.
^ Kumbe “U nga titumbeti loko ndzi khongela ndzi kombela ku pfuniwa.”
^ Kumbe “eSheol.” Vona Tinhlamuselo.
^ Ku nga khale ka munghana loyi ku vulavuriweke ha yena eka ndzimana 13 na 14.
^ Kumbe “dedeleka.”
