XIVUTISO 7
Bibele Yi Profete Yini Hi Mikarhi Ya Hina?
“Matiko ma ta hlaselana ni mifumo yi ta hlaselana . . . Swilo leswi hinkwaswo i ku sungula ka maxangu.”
“Ku ta va ni vaprofeta vo tala va mavunwa naswona va ta hambukisa vo tala; nakambe rirhandzu ra vo tala ri ta hola hikwalaho ka ku andza ka vubihi.”
“Loko mi twa hi ta tinyimpi ni swiviko swa tinyimpi, mi nga chavi; swilo leswi swi fanele swi endleka, kambe makumu ma ta va ma nga si fika.”
“Ku ta va ni ku tsekatseka lokukulu ka misava, naswona ku ta va ni ku kayivela ka swakudya ni mintungu etindhawini to hambanahambana; vanhu va ta vona swilo leswi nga ta va chavisa ni swikombiso leswikulu leswi humaka etilweni.”
“Emasikwini yo hetelela ku ta fika mikarhi yo nonon’hwa leyi swi tikaka ku hanya eka yona. Hikuva vanhu va ta va lava tirhandzaka, varhandzi va mali, lava tikurisaka, lava titlakusaka, vasandzi, lava nga yingisiki vatswari, lava nga khensiki, lava nga tshembekiki, lava nga riki na rirhandzu, lava nga tiyimiselangiki ku pfumelelana ni van’wana, valumbeti, lava nga tikhomiki, lava nga ni tihanyi, lava nga rhandziki vunene, vaxengi, lava omeke tinhloko, lava tikukumuxaka, lava rhandzaka ku tiphina ku ri ni ku rhandza Xikwembu, va vonaka onge va gandzela Xikwembu kambe mahanyelo ya vona ma va landzula.”
