Xana Timbhoni Ta Yehovha Ta Pfumela Eka Testamente Ya Khale?
Ina. Timbhoni ta Yehovha ti pfumela leswaku Bibele hinkwayo yi ‘huhuteriwe hi Xikwembu naswona ya pfuna.’ (2 Timotiya 3:16) Sweswo swi katsa Testamente leyintshwa ni Testamente ya Khale hilaha hi ntolovelo ti vitaniwaka hakona. Timbhoni ta Yehovha ti vitana Titestamente teto leswaku i Matsalwa ya Xiheveru ni Matsalwa ya Vukreste ya Xigriki. Hi ndlela yoleyo, hi papalata langutelo ra leswaku swiphemu swin’wana swa Bibele swi hundzeriwe hi nkarhi kumbe a hi swa nkoka.
Ha yini Vakreste va tirhisa Testamente Leyintshwa ni ya Khale?
Muapostola Pawulo la nga Mukreste u huhuteriwe ku tsala a ku: “Swilo hinkwaswo leswi tsariweke enkarhini lowu hundzeke swi tsaleriwe ku letela hina.” (Varhoma 15:4) Hikokwalaho, eka hina rungula leri kumekaka eka Matsalwa ya Xiheveru i ra nkoka. Ku tlula kwalaho, rungula rero ri hi byela hi matimu ya nkoka ni ku hi nyika ndzayo leyi tirhaka.
Matimu lama pfunaka namuntlha. Matsalwa ya Xiheveru ma katsa rungula ro tala leri vulavulaka hi ntumbuluko ni ku dyoha ka vanhu. Loko rungula rero a ri nga ri kona, a hi nga ta va ni tinhlamulo leti enerisaka ta swivutiso swo tanihi leswi nge: Hi huma kwihi? Ha yini vanhu va fa? (Genesa 2:7, 17) Ku tlula kwalaho, Matsalwa ya Xiheveru ma vulavula ni hi ndlela leyi Yehovha Xikwembu a tirhisaneke ha yona ni vanhu lava a va tsaka va tlhela va langutana ni mintlhontlho leyi fanaka ni ya hina.—Yakobo 5:17.
Ndzayo leyi pfunaka. Buku ya Bibele ya Swivuriso ni ya Eklesiasta leti nga xiphemu xa Matsalwa ya Xiheveru, ti tamele vutlharhi lebyi pfunaka evuton’wini. Ti nyikela ndzayo malunghana ni ndlela yo va ni vutomi lebyi tsakisaka endyangwini (Swivuriso 15:17), ku ringanisela etimhakeni ta ntirho (Swivuriso 10:4; Eklesiasta 4:6) ni ndlela leyi vantshwa va nga vaka ni ntsako wa xiviri ha yona evuton’wini (Eklesiasta 11:9–12:1).
Ku tlula kwalaho, hi nga vuyeriwa loko hi dyondza hi Nawu wa Muxe lowu kumekaka eka Torah (ku nga tibuku to sungula ta ntlhanu ta Bibele). Nawu lowu a hi xikolokolo eka Vakreste kambe i wa nkoka naswona wu nga hi pfuna leswaku hi va ni vutomi lebyi tsakisaka.—Levhitika 19:18; Deteronoma 6:5-7.
U Nga Ha Tsakela
SWIVUTISO LESWI HLAMURIWAKA HI BIBELE
Hi Yihi Milawu Ya Khume Ya Xikwembu?
Yi Nyikiwe Vamani? Xana Vakreste va boheka ku hanya hi yona?
SWIVUTISO LESWI HLAMURIWAKA HI BIBELE
Xana Muxe U Tsale Bibele?
Muxe i un’wana wa lava tsaleke Bibele. I vangani lava tsaleke Bibele?
ESSENTIAL BIBLE TEACHINGS
I Mani Mutsari Wa Bibele?
Loko ku ri leswaku yi tsariwe hi vanhu, xana hakunene yi nga vuriwa Rito ra Xikwembu? I miehleketo ya mani leyi nga eBibeleni?
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
SWIVUTISO LESWI TALAKA KU VUTISIWA
Xana Timbhoni Ta Yehovha Ti Ni Bibele Ya Tona?
Ku tirhisa vuhundzuluxeri byo hambana-hambana bya Bibele swi nga kurisa vutivi bya wena. Swilo swinharhu leswi nga ku vuyerisaka loko u tirhisa Vuhundzuluxeri Bya Misava Leyintshwa eka dyondzo ya wena.