Mahungu Ya Ku Tsakisa Ya Ku Tsaliwa Hi Marka 7:1-37
7 Kutani ku ta Vafarisi ni vatsali va Yerusalema va fika va hlengeletana lomu Yesu a a li kona.+
2 Se va vona vadjondzisiwa van’wani va Yesu na va dla swakudla na va nga hlambanga mavoko.*
3 (Hikusa Vafarisi ni Vayuda hinkwavu a va nga dli na va nga hlambanga mavoko ku ya fika ka matsolo* ya wona, a va yendla leswo hi ku landza swihena swa vavhovho va vona
4 naswona loko va vuya hi ku xaveni ka minchumu, a va nga dli na va nge se hlamba. Ku ni swihena swin’wani swa ku tala leswi a va swi landzela, swa ku fana ni ku nyuvelisa tikopo, majaru ni swibya swa kobre ka mati.)+
5 Kutani Vafarisi ni vatsali va mu vutisa va ku: “Hi mhaka muni vadjondzisiwa va wena va nga landzeli swihena swa vavhovho, kambe va dla swakudla na va nga hlambanga mavoko?”+
6 A va hlamula a ku: “Vakanganyisi ndzin’wina! Muprofeta Esaya a a hlaya n’wina, loko a tsala a ku: ‘Vanhu lava va ni hlonipha hi nomo ntsena, kambe a swi humi mbilwini.+
7 Va tikarhata mahala hi ku ni gandzela, hikusa leswi va swi djondzisaka i minawu ya vanhu ntsena.’+
8 Mi tshika minawu ya Xikwembu, mi landzelela swihena swa vanhu.”+
9 A tlhela a va byela a ku: “Mi ni tindlela ta ku nghwala ta ku tlula minawu ya Xikwembu leswaku mi ta landzela swihena swa n’wina.+
10 Hi xikombiso Moxe a te: ‘Hlonipha papayi wa wena ni mamani wa wena’+ naswona ‘lweyi a rhukaka papayi wa yena kumbe mamani wa yena a a dlayiwi.’+
11 Kambe n’wina mi li: ‘Lweyi a byelaka papayi wa yena kumbe mamani wa yena a ku: “A ni nge ku pfuni hikusa hinkwaswu leswi ni nga na swona i korbani (ku nga munyikelo lowu nga nyikeliwa ka Xikwembu),”’
12 a ma ha mu pfumeleli ku yendlela papayi kumbe mamani wa yena xanchumu.+
13 Hi ku yendla leswo, mi yendla rito la Xikwembu li nga pfuni nchumu hi swihena swa n’wina leswi mi swi djondzisaka van’wani.+ Naswona mi yendla swilo swa ku tala swa ku fana ni leswi.”+
14 Se a tlhela a vitana xitshungu a xi byela a ku: “Ni yingiseni hinkwenu mi tlhela mi ni twisisa kahle.+
15 Munhu a nga chimisiwi* hi leswi nghenaka hi ka nomo wa yena; kambe a chimisiwa hi leswi humaka hi ka mbilu ya yena.”+
16 * ——
17 Nkama Yesu a nga suka ka xitshungu a ya nghena ndlwini, vadjondzisiwa va yena va mu vutise ntlhamuselo wa xifaniso lexi.+
18 Kutani Yesu a ku: “Kasi na n’wina a mi se swi twisisa ku fana na vona? A mi swi tivi swaku a ku na nchumu lexi nghenaka hi ka nomo wa munhu lexi nga mu chimisaka?*
19 Hikusa a xi ngheni ka mbilu ya yena, kambe xi nghena ka marhumbu, xi gama xi ya huma xikoti.” Hi ku vula leswi Yesu a a kombisa swaku swakudla hinkwaswu swi basile.
20 A tlhela a ku: “Munhu a chimisiwa* hi leswi humaka hi ka mbilu ya yena.+
21 Hikusa ka mbilu ya munhu+ hi kona lomu ku humaka mimpimiso ya ku biha, wuntunga la swa masangu,* ku yiva, ku dlaya,
22 ku mbuyeta, ku navela minchumu ya vanhu van’wani,* mintirho ya ku biha, wukanganyisi, mahanyelo ya tingana,* wukwele, ku rhuketela, ku tibyela ni wuphunta.
23 Swilo leswi hinkwaswu swa ku biha swi huma hi ka mbilu ya munhu naswona swa mu chimisa.”*
24 Nkama a nga suka kolanu a ye ka muganga wa Tiru na Sidoni.+ Kutani a fika a nghena ndlwini hikusa a a nga lavi leswaku vanhu va swi tiva swaku a fikile, kambe va swi tivile.
25 Nkama wansati mun’we lweyi xintombhani xa yena a xi ngheniwe hi dimoni,* a nga twa hi ta Yesu, a tile hi ku kahlula a fika a khizama ka minenge ya yena.+
26 Wansati lweyi a a li Mugriki wa ku ta hi ka doropa la Fenisiya leli nga Siriya; kutani a kombela Yesu hi ku phindhaphindha leswaku a hlongola dimoni leli nga nghenela n’wana wa yena.
27 Se Yesu a ku: “Tshika vana va rhanga va dla va xurha, hikusa a hi swinene ku teka pawu la vana u li nyika swimbyanyani.”+
28 Kambe wansati a mu hlamula a ku: “U tiyisile hosi ya mina, kambe hambi swimbyanyani leswi nga hansi ka meza swa dla matlhantlha lama wisiwaka hi vana.”
29 Se Yesu a ku: “Hi mhaka ya leswi u nga swi vula, famba; dimoni li humile ka n’wana wa wena.”+
30 Se wansati a muka, kutani a fika a kuma n’wana na a yetlelile ka mubedu na dimoni se li humile ka yena.+
31 Nkama Yesu a nga vuya hi ka doropa la Tiru, a hundze hi le Sidoni a tsemakanya Dekapolisi* a ya ka Lwandle la Galileya.+
32 Se va mu tisela munhu wa ku fa tindleve a tlhela a va ni manghanghamela,+ kutani va mu kombela leswaku a mu hanyisa.*
33 Se a mu susa xikarhi ka xitshungu a famba na yena tlhelweni. Kutani Yesu a nghenisa tintiho ka tindleve ta munhu yelweyo, naswona loko se a pshitele marhi, a khumba lirimi la yena.+
34 Se a txuvuka henhla tilweni, a hefemulela henhla a ku: “Efata,” leswi vulaka swaku: “Pfuleka.”
35 Kutani a sungula ku twa+ ni ku vulavula kahle.
36 Se Yesu a va kawuka swaku va nga byeli munhu,+ kambe hambileswi a a va kawuka hi ku phindhaphindha, a vo yengetela ku swi hangalasa ka van’wani.+
37 Phela va hlamalile hintamu,+ kutani va ku: “Swilo hinkwaswu a swi yendle kahle. A kota ni ku yendla swaku lava nga fa tindleve va twa ni timbheveve ti vulavula.”+
Tinhlamunselu ta le hansi
^ Ku hlamba mavoko hi ku landzela swihena swa vona.
^ Kumbe: “cotovelo”.
^ Kumbe: “nyamisiwi”.
^ Vona Xiyengetelo A3.
^ Kumbe: “nyamisaka.”
^ Kumbe: “nyamisiwa”.
^ Hi Xigriki: “porneía”. Vona Ntlhamuselo.
^ Kumbe: “makwanga”.
^ Kumbe: “mahanyelo ya ku nyenyentsa”. Hi Xigriki: “asélgeia”. Vona Ntlhamuselo.
^ Kumbe: “nyamisa.”
^ Hi Xigriki: “moya wa chaka”.
^ Kumbe: “Ndhawu ya 10 wa Madoropa”.
^ Hi Xigriki: “a mu tlhateka mavoko.”
