Vaheberu 13:1-25
13 Tamani mi rhandzana ku fana ni vamakwavu.+
2 Mi nga khohlwi ku yamukela vapfhumba,*+ hikusa hi ku yendla leswo van’wani va yamukele tintsumi na va nga swi tivi.+
3 Khumbukani lava nga madjele*+ ingaku mo va djele na vona+ ni lava va hluphiwaka ku fana ni leswi na n’wina ma ha hanyaka lani misaveni.
4 Wukati li fanele li hloniphiwa hi vanhu hinkwavu naswona a li fanelanga li chakisiwa,+ hikusa Xikwembu xi ta yavanyisa vanhu lava yendlaka wuntunga la swa masangu* ni lava mbuyetaka.+
5 Mi nga rhandzeni male,+ kambe tsakani hi leswi mi nga na swona.+ Hikusa Xikwembu xi te: “A ni nga ta tshuka ni ku tshika naswona a ni nga ta tshuka ni tshika ku ku pfuna.”+
6 Leswaku hi nga chavi ku vula hi ku: “Yehovha* i mupfuni wa mina; a ni nge chavi nchumu. A nga ni yendla yini munhu?”+
7 Khumbukani lava rhangelaka xikarhi ka n’wina,+ lava nga mi byela rito la Xikwembu naswona loko mi vona mahanyelo ya vona yamanene, tekelelani lipfumelo la vona.+
8 Yesu Kreste wa ha li yena wa tolo ni namuntlha ni hi masiku ni masiku.
9 Mi nga djikisiwi hi tidjondzo ta tinyingi ni leti kalaka ti nga twisiseki, hikusa swa yampsa ku va mbilu yi tiyisiwa hi timpsalu tatikulu ku tlula swaku yi tiyisiwa hi swakudla* leswi kalaka swi nga va pfuni nchumu lava swi landzelaka.+
10 Hi ni altari leyi lava yendlaka ntirho wa ku kwetsima ka tabernakela va kalaka va nga na mfanelo ya ku dlela ka yona.+
11 Hikusa mintsumbu ya swiharhi leswi ngati ya swona yi yisiwaka ka ndhawu ya ku kwetsima hi muprista wamukulu swaku yi va gandzelo la xidjoho, yi hisiwa kule ni lomu vanhu va tshamaka kona.+
12 Kutani na yena Yesu a xanisekile handle ka nyanghwa wa doropa+ leswaku a kwetsimisa vanhu hi ngati ya yena.+
13 Kutani a hi yeni ka yena ahandle ka matende, na hi rhwale xirhuku lexi na yena a nga xi rhwala,+
14 hikusa lani a hi na lona doropa leli nga ta tshama hi nkama ku kala wu nga heli, kambe hi li nyimelile hi mbilu hinkwayu doropa leli nga ta ta ka nkama lowu taka.+
15 A hi dzuniseni Xikwembu minkama hinkwayu hi ku tirhisa Yesu. Leswi swi fana ni loko hi nyikela magandzelo ka Xikwembu,+ ku nga marito lama humaka hi ka minomo ya hina+ lawa hi ma humesaka swaku hi twalisa vito la xona.+
16 Naswona mi nga khohlweni ku yendla swilo swaswinene ni ku pambulela van’wani leswi mi nga na swona,+ hikusa Xikwembu xi tsaka hintamu hi magandzelo lawa.+
17 Yingisani lava rhangelaka xikarhi ka n’wina+ mi tlhela mi tiveka hansi,+ hikusa va mi hlayisa hileswi va nga ta tihlamulela,+ leswaku va nga yendli leswo na va karhatekile kambe na va tsakile, hikusa leswo swi nga mi vavisa.
18 Tamani mi hi khongelela hikusa ha swi tiva swaku hi ni lipfalu la ku tshembeka,* hikusa hi navela ku tshembeka ka swilo hinkwaswu.+
19 Kambe lexi ni mi kombelaka hintamu, hi leswaku mi khongela swaku ni hantla ni tlhelela ka n’wina.
20 Swoswi ni navela swaku Xikwembu xa ku rhula, lexi nga tirhisa ngati ya ntwananu wa hi masiku ni masiku leswaku xi pfuxa murisi wamukulu+ wa tinyempfu ka lava nga fa, ku nga Hosi ya hina Yesu,
21 xi mi nyika nchumu wun’wani ni wun’wani wawunene leswaku mi yendla ku rhandza ka xona, xi tlhela xi tirhisa Yesu Kreste swaku xi yendla leswi swi xi tsakisaka hintamu; ku tlakuka a ku ve ka yena hi masiku ni masiku. Amen.
22 Swoswi na mi kombela vamakwerhu, leswaku mi yingisa marito lawa ya ku tiyisa, na mi nga heli mbilu hileswi ni nga mi tsalela karta* la ku koma.
23 Ni mi tivisa swaku makwerhu Timotiya a humesiwile djele. Loko a hantla a fika, hi ta ta xikan’we hi ta mi vona.
24 Rungulani hinkwavu lava rhangelaka xikarhi ka n’wina ni vakwetsimi hinkwavu. Vamakwerhu va nga Italiya+ va mi rungula.
25 Timpsalu tatikulu ta Xikwembu a ti ve na n’wina hinkwenu.
Tinhlamunselu ta le hansi
^ Kumbe: “ku va ni timpsalu ka vanhu lava mi kalaka mi nga va tivi”.
^ Hi Xigriki: “lava nga bohiwa”.
^ Hi Xigriki: “porneía”. Vona Ntlhamuselo.
^ Vona Xiyengetelo A5.
^ Ku nga minawu ya ku fambisana ni swakudla.
^ Hi Xigriki: “lalinene”.
^ Kumbe: “papila”.
