XIVUTISO 2
U Nga Xi Tivisa Ku Yini Xikwembu?
“Buku leli la Nawu li nga suki ka nomo wa wena naswona li lerhi hi rito la le hansi wusiku ni nhlikanhi, leswaku u ta yendla hinkwaswu leswi nga tsaliwa ka lona; se loko u yendla leswo swi ta ku fambela kahle naswona u ta tlhariha.”
“Va tama va lerha Nawu wa Xikwembu xa ntiyiso, va wu tlhamusela kahle, va wu yendla wu twisiseka.
Hi ku yendla leswo, va pfune vanhu swaku va twisisa leswi a swi lerhiwa.”
“Wa tsaka munhu lweyi a kalaka a nga fambi hi switsundzuxu swa lava ku biha . . . , kambe a rhandza nawu wa Yehovha, naswona a lerha nawu wa Yena hi rito la le hansi wusiku ni nhlikanhi. . . . Hinkwaswu leswi a swi yendlaka swi ta humelela.”
“Filipi a tsutsuma a ya ka yona kutani a twa mutheniwa na a lerha buku la muprofeta Esaya hi rito la le henhla a mu vutisa a ku: ‘Indjhe wa swi twisisa leswi u swi lerhaka?’ A mu hlamula a ku: ‘Ni nga swi kotisa ku yini ku swi twisisa na ku nga na lweyi a ni tlhamuselaka ke?’”
“Wumunhu la xona la ku kala li nga voneki, matimba ya xona ya ku kala ma nga heli ni leswaku xona i Xikwembu hikakunene, swa voniwa ka leswi xi nga swi tumbuluxa lakakuva a va nge swi koti ku tinyimelela.”
“Pimisa kahle hi swilo leswi; u tinyiketela ka swona, leswaku vanhu va ta swi vona swaku u ya u va Mukreste wa ku wupfa.”
“A hi hlayisaneni leswaku hi tiyisana, hi rhandzana hi tlhela hi yendla mintirho yayinene, hi nga tshikeni ku tlhangana”.
“Loko ku ni lweyi a kalaka a nga na wutlharhi xikarhi ka n’wina, a a tami a kombela ka Xikwembu, xi ta mu nyika, hikusa xi nyika hinkwavu hi mbilu ya ku basa.”
