Римлыларга 2:1—29

2  Шуңа күрә, и кеше, син кем генә булсаң да,+ башкаларны хөкем итсәң, акланырлык сәбәбең юк. Син бит башканы хөкем итеп, үзеңне хөкем итәсең, чөнки син, хөкем итүче, үзең шул ук эшләрне башкарасың.+ 2  Ә безгә шул билгеле: андый эшләрне башкаручыларны Аллаһы хакыйкать буенча хөкем итә. 3  И кеше, андый эшләрне башкаручыларны хөкем итеп һәм шул ук вакыт үзең аларны башкарып, Аллаһы хөкеменнән кача алырсың дип уйлыйсыңмы? 4  Яки син, Аллаһының игелеге сине тәүбәгә китерә+ икәнен аңламыйча, аның зур игелеген,+ сабырлыгын+ һәм түземлеген+ санга сукмыйсыңмы? 5  Ләкин кирелегең һәм тәүбә итми торган йөрәгең аркасында син үзеңне Аллаһының ярсуына дучар итәсең. Ул үз ярсуын гадел хөкеме үтәләчәк көнне күрсәтәчәк+ 6  һәм һәркемгә эшенә карап кайтарачак:+ 7  игелекле эшләрне чыдамлылык белән кылып, данга, хөрмәткә һәм үлемсезлеккә+ омтылучыларга мәңгелек тормыш бирәчәк, 8  ә ызгышырга яратучылар, хакыйкатькә буйсынмыйча, тәкъва булмаганны кылучылар Аллаһының ярсуын һәм ачуын татыячак.+ 9  Явызлык кылучы һәр кешенең җаны — башта яһүд, аннары грек — газап һәм михнәт чигәчәк, 10  ә игелек кылучы һәркемгә — башта яһүдкә,+ аннары грекка+ — дан, хөрмәт һәм тынычлык булачак. 11  Чөнки Аллаһы кешеләрне аермый.+ 12  Кануны булмаган һәркем, гөнаһ кылгач, кануны булмый торып та һәлак булачак,+ ә кануны булган һәркем, гөнаһ кылгач, канун буенча хөкем ителәчәк.+ 13  Чөнки канунны ишетүчеләр түгел, ә канунны үтәп яшәүчеләр Аллаһы каршында тәкъва дип игълан ителәчәк.+ 14  Кануннары булмаган башка халык кешеләре, кануннары булмаса да,+ табигатьләре буенча канундагыны эшләгәндә, үзләренә үзләре канун булалар. 15  Алар канунның асылы йөрәкләренә язылганын күрсәтәләр, вөҗданнары да шаһитлек бирә, һәм алар үз уйларында үзләрен я гаепли, я хәтта аклый. 16  Болар Аллаһы Мәсих Гайсә аша кешеләрнең яшерен эшләрен һәм уйларын хөкем итәчәк+ көнне мин игълан иткән яхшы хәбәр буенча булачак. 17  Ә инде син яһүд дип аталасың икән,+ канунга таянып һәм Аллаһы белән горурланып яшисең икән, 18  Канун буенча телдән өйрәтелгәнгә,+ аның ихтыярын беләсең һәм кадерле булганны аера аласың икән, 19  үзеңне сукырларга юл күрсәтүче, караңгылыктагылар өчен яктылык, 20  акылсызларны төзәтүче, сабыйларны өйрәтүче һәм Канундагы белем белән хакыйкатьнең төп үзенчәлекләрен аңлаучы булуыңа инангансың икән, 21  ничек соң син, башкаларны өйрәтеп тә, үз-үзеңне өйрәтмисең?+ «Урлама»+ дип вәгазьлисең, ә үзең урлыйсыңмы? 22  «Зина кылма»+ дисең, ә үзең зина кыласыңмы? Потларга җирәнеп карыйсың, ә үзең гыйбадәтханәләрне талыйсыңмы? 23  Канун белән горурланасың, ә үзең Канунны бозып, Аллаһыны хур итәсеңме? 24  «Сезнең аркада халыклар Аллаһы исемен көферли»,— дип язылган да шул.+ 25  Сөннәтле+ булу канунны үтәсәң генә файдалы, ә инде син канунны бозучы икән,+ ул чакта сөннәтле булуың сөннәтсез булуга әйләнә. 26  Шуңа күрә сөннәтләнмәгән кеше+ Канунның гадел таләпләрен үтәп яшәсә, аның сөннәтсез булуы әллә сөннәтле булуга саналмасмы?+ 27  Һәм сөннәтсез кеше, Канунны үтәп, сине, үзеңдәге язылган законнар җыентыгына һәм сөннәтле булуыңа карамастан канунны бозучыны, хөкем итәчәк. 28  Чөнки тышкы яктан гына яһүд булган — чын яһүд түгел+ һәм тәнгә ясалган сөннәт — чын сөннәт түгел.+ 29  Ләкин эчке яктан яһүд булган — чын яһүд,+ һәм йөрәккә законнар җыентыгы белән түгел, ә рух белән ясалган сөннәт+ — чын сөннәт.+ Андый кешегә мактау кешеләрдән түгел, ә Аллаһыдан килә.+

Искәрмәләр

Искәрмәләр

Медиаматериал

Остия шәһәрендәге синагога
Остия шәһәрендәге синагога

Бу фоторәсемдә Римның порт шәһәре Остиядәге синагоганың калдыклары күрсәтелгән. Бу бинаны төзекләндереп, үзгәртеп төзегән булсалар да, башта ул б. э. I гасырының икенче яртысында синагога итеп салынган булган дип санала. Бу синагоганың булуы Рим тирәләрендә озак вакыт дәвамында яһүдләрнең яшәгән икәнен күрсәтә. Император Клавдий яһүдләргә б. э. якынча 49 я 50 елларында Рим шәһәреннән китәргә әмер биргән булса да, ул җирләрдә яһүдләр җәмгыятьләре калгандыр (Рс 18:1, 2). Б. э. 54 елында Клавдий үлгәч, күп яһүдләр Рим шәһәренә кайткан булган. Паул якынча б. э. 56 елында Римдагы мәсихчеләргә хатын язганда, андагы җыелыш яһүдләрдән һәм башка халык кешеләреннән торган булган. Бу Паулның ни өчен ике төркемгә дә кагылган нәрсәләр турында сөйләгәнен һәм аларга бердәмлектә ничек яшәргә икәне турында киңәшләр биргәнен аңларга булыша (Рм 1:15, 16).

1. Рим

2. Остия

ИЗГЕ ЯЗМАЛАР. ЯҢА ДӨНЬЯ ТӘРҖЕМӘСЕ (ӨЙРӘНҮ БАСМАСЫ)
Римлыларга 2
татар
Изге Язмаларны онлайн укыгыз
https://cms-imgp.jw-cdn.org/img/p/1001070103/univ/art/1001070103_univ_sqr_xl.jpg
nwtsty