Akabi Akarukuleeta Okunihira
Akabi Akarukuleeta Okunihira
“Omu biro bya hanyuma ebiro ebyakabi kaingi biriija.”—2 TIMOSEO 3:1.
WAKAHULIIRE—rundi wakarozere—ebintu binu ebibi?
● Oburwaire obw’amaani bwisire abantu baingi.
● Enjara ey’amaani isire abantu baingi.
● Omusisa gwisire enkumi n’enkumi z’abantu kandi gwahwerekereza amaju maingi.
Omu mpapura ezirukuhonderaho, noija kumanya amananu agarukuhuumuza agarukukwata ha bintu nka binu. Ekindi noija kurora ngu Baibuli ekaranga ngu ebintu binu biribaho omu kasumi akarukwetwa “ebiro ebya hanyuma.” *
Baitu ekigendererwa ky’ebicweka binu, tikiri ky’okulengaho kukwoleka ngu tuli omu nsi embi. Ebintu binu naiwe n’osobora kuba n’obyerorra. Oihireho, bitekaniziibwe kukuha okunihira. Nibiija kukwoleka ngu okuhikirizibwa kw’obunabbi bunu mukaaga nikwoleka ngu “ebiro ebya hanyuma” biri haihi kuhwaho. Ebicweka binu nibiija n’okubazaaho abantu abamu ebibagamba kuhakaniza obwakaiso oburukwoleka ngu tuli omu biro ebya ha mpero, kandi bikwoleke ensonga enungi habwaki osemeriire kukigumya ngu omu maiso haliyo ebirungi.
[Obugambo obuli hansi]
^ kac. 7 Kumanya ensonga habwaki Ruhanga alekere ebintu ebibi kubaho, rora ekicweka “Habwaki Ruhanga Alekereho Ebintu Ebibi n’Okubonabona?” ekiri ha rupapura 16 na 17 orwa magaziini enu.