Salimo 77:1-20
Kwa wakulongozga sumu pa Yedutuni.* Salimo la Asafu.+ Sumu.
77 Nililirenge kwa Chiuta na mazgu ghane,Nichemerezgenge kwa Chiuta, ndipo iyo wanipulikenge.+
2 Mu zuŵa la suzgo yane nkhumupenja Yehova.+
Nausiku nkhunyoloskera mawoko ghane kwa iyo kwambura kuleka.*
Nkhusanguluskika yayi.
3 Para nakumbuka Chiuta, nkhutampha.+Nkhusuzgika ndipo nkhongono zane zikumara.*+ (Selah)
4 Mukukolera vikopi vya maso ghane kuti vileke kujalika.Nkhukweŵeka ndipo ningayowoya yayi.
5 Nkhughanaghana vya mazuŵa ghakale,+Vyaka vyakale chomene.
6 Nausiku nkhukumbuka sumu yane.+Nkhulanguruka mu mtima wane,+Mzimu wane ukupenjerezga.*
7 Kasi Yehova watitayenge muyirayira?+
Watilongorengeso yayi lusungu lwake?+
8 Kasi lusungu* lwake lwalekerathu?
Kasi layizgo lake liwenge pawaka mu miwiro yose?
9 Kasi Chiuta waluwa kulongora uwemi wake,+Panji ukali wake walekeska lusungu lwake? (Selah)
10 Kasi niyowoyenge waka kuti: “Ichi ndicho chikunikweŵeska:*+
Wapachanya Nkhanira watisinthira woko lake lamalyero”?*
11 Nikumbukenge milimo ya Ya.Nikumbukenge vinthu vyakuzizwiska ivyo mukachita kale chomene.
12 Nilangurukenge pa milimo yinu yose,Na kughanaghanira pa ivyo mwachita.+
13 A Chiuta, nthowa zinu ni zituŵa.
Kasi ni chiuta nju uyo ni mukuru nga ndimwe, A Chiuta?+
14 Ndimwe Chiuta waunenesko uyo wakuchita vinthu vyakuzizwiska.+
Mwavumbura nkhongono zinu ku ŵanthu.+
15 Mwathaska ŵanthu ŵinu na nkhongono zinu,*+Ŵana ŵa Yakhobe na ŵa Yosefe. (Selah)
16 Maji ghakamuwonani, A Chiuta,Maji ghakamuwonani ndipo ghakavunduka.+
Maji ghakunyang’amira nagho ghakaŵiruka.
17 Mabingu ghakakhizga maji.
Mitambo yamabingu yikadudumira,Ndipo mivi yinu yikamwetukira uku na uko.+
18 Mphomo ya kududumira kwinu+ yikaŵa nga ni makhwiro gha gileta.Ŵaleza ŵakangweluska charu icho kuli ŵanthu.+Charu chapasi chikambwambwantha na kundindima.+
19 Msewu winu ukajumpha mu nyanja,+Nthowa yinu mu maji ghanandi.Kweni apo pakakanda malundi ghinu pakamanyikwa yayi.
20 Mukalongozga ŵanthu ŵinu nga ni mskambo,+Na woko la Mozesi na Aroni.+
Mazgu Ghamusi
^ Wonani Mang’anamuro gha Mazgu.
^ Mazgu gheneko, “kuzilirika.”
^ Mazgu gheneko, “mzimu wane ukulopwa.”
^ Panji kuti, “Nkhufwilirapo kupenjerezga.”
^ Panji kuti, “chitemwa chakugomezgeka.”
^ Panji kuti, “chikunilasa.”
^ Panji kuti, “watisinthira malo ghake.”
^ Mazgu gheneko, “woko linu.”
