Kasi Ufumu wa Chiuta ni Vichi?
Kasi Ufumu wa Chiuta ni Vichi?
ŴANTHU ŴANYAKE ŴAKUTI ufumu wa Chiuta ni mtima wa munthu. Ŵanyake ŵakuti ni ivyo ŵanthu ŵakulimbikira kuchita kuti pa charu chapasi paŵe mtende na umoza. Kasi imwe mukuti wuli?
IVYO BAIBOLO LIKUYOWOYA
“Chiuta wakuchanya wazamwimika ufumu uwo kuti uzamuparanyika chara. . . . Uzamuteketa na kumazga maufumu ghose agha” gha ŵanthu. (Daniyeli 2:44) Ufumu wa Chiuta ni boma ilo liliko nadi.
NI VICHI VINYAKE IVYO TIKUSAMBIRA MU BAIBOLO?
Ufumu wa Chiuta ukuwusa kufuma kuchanya.—Mateyu 10:7; Luka 10:9.
Chiuta wakufiska khumbo lake kuchanya na pa charu chapasi kwizira mu Ufumu uwu.—Mateyu 6:10.
Kasi Ufumu wa Chiuta Wizenge Pawuli?
IMWE MUNGATI WULI?
Palije uyo wakumanya
Sonosono
Wizengepo yayi
IVYO BAIBOLO LIKUYOWOYA
“Makani ghawemi agha gha Ufumu, ghazamupharazgika mu charu chose chapasi kuti uŵe ukaboni ku mitundu yose, penepapo ndipo umaliro wizenge.” (Mateyu 24:14) Para makani ghawemi ghapharazgika mwakukwana, Ufumu wizenge na kuzakawuskapo charu chiheni ichi.
NI VICHI VINYAKE IVYO TIKUSAMBIRA MU BAIBOLO?
Palije munthu pa charu chapasi uyo wakumanya nyengo yenecho iyo Ufumu wa Chiuta wizirenge.—Mateyu 24:36.
Uchimi wa Baibolo ukulongora kuti Ufumu wizenge sonosono.—Mateyu 24:3, 7, 12.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Ufumu wa Chiuta Wuli mu Mtima Winu?
Kasi Baibolo likung’anamurachi para likuti “Ufumu wa Chiuta wuli mukati mwinu”?
GONGWE LA MULINDA
Chifukwa Wuli Tikwenera Kulomba Kuti Ufumu wa Chiuta Wize?
Kasi ni vichi ivyo Ufumu wa Chiuta uzamuchitira ŵanthu ivyo maboma ghakutondeka?
