Mmebusɛm 19:1-29
19 Eye sɛ wobɛyɛ ohiani a n’abrabɔ di mu+Sen sɛ wobɛyɛ ɔkwasea na woadi atoro.+
2 Onipa* a onni nimdeɛ no nye,+Na nea ɔpere ne ho* no, ɔyɛ bɔne.
3 Onipa nkwaseasɛm na ɛma ne kwan kyea,Na ne bo fuw Yehowa ne koma mu.
4 Ahonyade ma onipa nya nnamfo pii,Na ohiani de, n’adamfo mpo bɛtwe ne ho afi ne ho.+
5 Onipa a odi adanse a ɛnyɛ nokware no, obenya asotwe,+Na nea otwa nkontompo daa no, ɔremfa ne ho nni.+
6 Nnipa pii pɛ sɛ wonya otitiriw* anim anuonyam,Na obiara adamfo ne onipa a ɔkyɛ ade.
7 Ohiani nuanom nyinaa tan no;+Ne nnamfo mpo de, wɔatwe wɔn ho afi ne ho!+
Ɔrehwehwɛ wɔn abisa wɔn biribi, nanso obiara mmua no.
8 Obiara a onya nyansa no,* ɔdɔ ne ho.*+
Obiara a nhumu som bo ma no no, ebesi no yiye.+
9 Onipa a odi adanse a ɛnyɛ nokware no, obenya asotwe,Na nea otwa nkontompo daa no, ɔbɛyera.+
10 Asetena pa mfata ɔkwasea;Na akoa de, ɛmfata koraa sɛ obedi mpanyimfo so!+
11 Onipa nhumu ma ɔtwentwɛn n’abufuw ase,+Na ɛyɛ anuonyam ma no sɛ obebu n’ani agu mfomso* so.*+
12 Ɔhene abufuw te sɛ gyata* mmobom,+Na n’anim anuonyam te sɛ wura so bosu.
13 Ɔba kwasea ma ne papa hu amane,+Na ɔyere a ɔpɛ ntɔkwaw* no, ɔte sɛ ɔdan a enwini a ennyae da.+
14 Ofi ne ahonyade yɛ agyapade a wonya fi agyanom hɔ,Na ɔyere badwemma de, ofi Yehowa.+
15 Anihaw ma obi da hatee,Na ɔkɔm bɛde ɔkwadwofo.*+
16 Nea odi mmara nsɛm so no kora ne nkwa* so;+Nea ɔyɛ n’akwan basabasa no bewu.+
17 Nea ɔdom mmɔborɔwa no, ɔde bɔ Yehowa bosea,*+Na nea wayɛ no, Ɔbɛhyɛ no ananmu.*+
18 Bere a anidaso wɔ hɔ yi, teɛ wo ba;+Mma ɛnnkɔba sɛ wo na woama wawu.*+
19 Onipa a ne bo fuw ntɛmntɛm no, wɔbɔ no ka;Sɛ woyɛ sɛ wubegyaa no a, wubegyaa no asan agyaa no bio.+
20 Tie afotu na gye nteɛso tom,+Na ama woahu nyansa daakye.+
21 Onipa komam nhyehyɛe dɔɔso,Nanso nea Yehowa abɔ ne tirim no, ɛno na ebegyina.+
22 Ade a ɛyɛ fɛ wɔ onipa ho ne ne dɔ a enni huammɔ;+Sɛ ehia wo a, eye sen sɛ wobɛyɛ ɔtorofo.
23 Yehowa suro kowie nkwa mu.+Nea osuro no no, n’asom dwo no, na bɔne biara rento no.+
24 Ɔkwadwofo de ne nsa ato ayowa mu,Nanso ɔnhaw ne ho mpo sɛ ɔde bɛkɔ n’ano.+
25 Bɔ ɔfɛwdifo,+ na ɛbɛma ogyimifo ahu nyansa;+Kasa kyerɛ obi a ɔwɔ ntease, na ɛbɛma ne nimdeɛ adɔɔso.+
26 Nea ɔyɛ ne papa basabasa na ɔpam ne maame no,Ɔyɛ ɔba a ne ho yɛ aniwu ne animguase ba.+
27 Me ba, sɛ wugyae nteɛso tie a,Wobɛman afi nsɛm a ɛma nimdeɛ ho.
28 Ɔdansefo a ne so nni mfaso di atɛntrenee ho fɛw,+Na abɔnefo ano memene bɔne.+
29 Atemmu wɔ hɔ ma ɔfɛwdifo,+Na mmaa wɔ hɔ ma nkwaseafo akyi.+
Ase Hɔ Nsɛm
^ Anaa “Ɔkra.”
^ Nt., “Nea ne nan ase yɛ hare.”
^ Anaa “onipa a ne yam ye.”
^ Anaa “ne kra.”
^ Nt., “onya koma.”
^ Anaa “bɔne.”
^ Nt., “obetwa mfomso ho.”
^ Anaa “gyatanini a ne ho yɛ den.”
^ Anaa “ɔyere gyigyefo.”
^ Anaa “ɔkwadwofo kra.”
^ Anaa “kra.”
^ Anaa “ɔde fɛm Yehowa.”
^ Anaa “Obetua no ka.”
^ Anaa “Mma ne wu nnyɛ wo akɔnnɔ.”
