Oroa haamanaˈoraa o te pohe o Iesu
Mahana maa 12 no Eperera 2025
Hoê taime i te mau matahiti atoa, e haamanaˈo te mau Ite no Iehova i te poheraa o Iesu mai ta ˈna i faaue ma te parau: “A tamau i te rave i te reira ei manaˈoraa ia ˈu.”—Luka 22:19.
Te titau nei matou ia oe i teie tupuraa.
Uiraa a te taata
Ehia maororaa te porotarama?
Fatata hoê hora te maoro.
Ihea te reira e tupu ai?
A ani i te mau Ite no Iehova o to oe tuhaa fenua.
Mea aufau anei no te haere i tera tupuraa?
Eita.
E titauhia anei te moni?
Eita.
Eaha te ahu e oomo?
Aita e faatureraa i te pae o te ahu. Tera râ, te tutava nei te mau Ite no Iehova i te pee i te aratairaa Bibilia ia oomo i te ahu tano e te tura. (Timoteo 1, 2:9) Eita e titauhia ia hoo mai i te ahu moni rahi aore ra taa ê.
Eaha te tupu i te Oroa haamanaˈoraa?
E haamata e e faaoti te putuputuraa na roto i te hoê reo himene e na te hoê Ite no Iehova e pure. I te Oroa haamanaˈoraa, e horoahia te hoê oreroraa parau Bibilia o te faaite i te faufaaraa o te pohe o Iesu e e nafea tatou e faufaahia ˈi i ta te Atua e Iesu i rave no tatou.
No te ite atu â, a hiˈo i te tumu parau “No te aha mea taa ê ta te mau Ite no Iehova Amuraa maa a te Fatu e ta te tahi atu mau haapaoraa?”
Afea e faatupuhia ˈi te Oroa haamanaˈoraa ?
2025: Mahana maa 12 no Eperera
2026: Mahana maha 2 no Eperera
E au atoa outou . . .
OROA HAAMANAˈORAA
A haamanaˈo i te mahana poheraa o Iesu
Te titau manihini nei matou ia oe ia haere mai i tera tupuraa faufaa. E faaitehia e nafea oe e faufaahia ˈi i te ora e te pohe o Iesu.
HAAPIIRAA TUMU
No te aha Iesu i pohe ai?
Te haafaufaa rahi ra te Bibilia i to Iesu pohe. E tumu anei i pohe ai oia?