Salamo 59:1-17
Na te aratai o te feia himene, i nia “Eiaha e haamou.” Miketama* a Davida. A tono ai Saula i te taata e tiai i to Davida* fare no te haapohe ia ˈna.+
59 A faaora mai ia ˈu i to ˈu mau enemi, e to ˈu Atua e.+A paruru ia ˈu i te feia e tia ra i mua ia ˈu.+
2 A faaora mai ia ˈu i te feia ohipa ino,E a faaora ia ˈu i te feia haavî.
3 Inaha, te tamoemoe ra ratou ia ˈu.+Te aro ra te feia puai ia ˈuEiaha râ no te mea ua orure hau aore ra ua hara vau,+ e Iehova.
4 Noa ˈtu aita vau i rave i te mea ino, te horo ra ratou a faaineine ai i te aro.
A tia mai ia tiaoro vau ia oe, e a hiˈo.
5 O oe hoi, e Iehova te Atua o te mau nuu,* o oe te Atua o Iseraela.+
A ara mai no te hiˈopoa i te mau nunaa atoa.
Eiaha e aroha i te feia haavarevare o te rave i te ohipa ino.+ (Sela)
6 Te hoˈi noa mai ra ratou i te mau po atoa.+Te aoa ra ratou mai te urî+ a haaati ai i te oire.+
7 A hiˈo na eaha te manii ra mai roto mai i to ratou vaha.E au to ratou vaha i te ˈoˈe,+Te parau nei hoi ratou: “O vai te faaroo mai ra?”+
8 O oe râ Iehova, e ata oe ia ratou.+E faaooo oe i te mau nunaa atoa.+
9 To ˈu Puai, e tiai noa vau ia oe.+O te Atua hoi to ˈu haapuraa papu.+
10 E tauturu mai te Atua o te faaite ra i to ˈna here taiva ore ia ˈu.+E faaite mai te Atua ia ˈu i te hiˈaraa o to ˈu mau enemi.+
11 Eiaha e haapohe ia ratou, ia ore te reira ia moˈe i to ˈu nunaa.
Ma to mana, ia overe ratou,A faahiˈa ia ratou, e Iehova, to matou paruru.+
12 No te hara a to ratou vaha, te parau a to ratou vaha,Ia tafifi atu ratou i to ratou teoteo,+No te faaino e te haavare ta ratou e parau ra.
13 A haapohe ia ratou i roto i to oe riri rahi tahoo,+A haapohe ia ratou e ia mou roa.A faaite ia ratou e te faatere nei te Atua i rotopu ia Iakoba e tae atu i te hopea o te fenua.+ (Sela)
14 Ia hoˈi mai ratou i te po.Ia aoa ratou mai te urî a haaati atu ai i te oire.+
15 Ia overe ratou no te imi i te tahi mea e amu.+Eiaha to ratou poia ia mâha, e te vahi taotoraa ia itea mai ia ratou.
16 O vau râ, e himene au i to puai.+I te poipoi, e paraparau vau ma te oaoa no nia i to here taiva ore.
O oe hoi to ˈu haapuraa papu+E te vahi e horo ai au i te tau ahoaho.+
17 To ˈu Puai, e himene au i te arueraa* ia oe,+O te Atua hoi to ˈu haapuraa papu, te Atua o te faaite i te here taiva ore ia ˈu.+
