Salamo 76:1-12
Na te aratai o te feia himene, ia apeehia i te upaupa taura. Salamo a Asapha.+ Himene.
76 Ua ite to Iuda i te Atua.+E iˈoa rahi to ˈna i Iseraela.+
2 Tei Salema to ˈna tamaru,+E tei Ziona to ˈna faaearaa.+
3 Ua tuparari oia i te mau teˈa auahi o te fana,Te paruru e te ˈoˈe e te mau mauhaa tamaˈi.+ (Sela)
4 Mea purapura maitai oe.Ua hau aˈe to hanahana i to te mau mouˈa e ora ˈi te mau animara oviri.
5 Ua haruhia te mau taoˈa a te mau taata aau itoito.+
Ua topa to ratou taoto.Aita ta te feia tamaˈi e tauturu.+
6 I te tamaˈiraa oe, e te Atua o Iakoba,Topa ihora te taoto o te taata faahoro pereoo e to te puaahorofenua.+
7 O oe anaˈe te mea mǎtaˈu-rahi-hia.+
O vai te mau i mua i to oe riri rahi?+
8 Ua haava oe mai te raˈi mai.+Ua mǎtaˈu e ua mamû te fenua+
9 I te tiaraa te Atua no te faaotiraa o te haavaraa,No te faaora i te feia mǎrû atoa o te fenua nei.+ (Sela)
10 E riro hoi te riri rahi o te taata nei ei arueraa ia oe.+E faaunauna oe ia oe i te toea o to ratou riri rahi.
11 A euhe ia Iehova to outou Atua e a faatupu i te reira.+Ia hopoi te feia e haaati ra ia ˈna i ta ratou ô ma te mǎtaˈu.+
12 E faahaama oia i te faaoru o te mau aratai.E mǎtaˈu to te mau arii o te fenua nei ia ˈna.
