Salamo 84:1-12
Na te aratai o te feia himene. Na nia i te Gitita.* Salamo a te mau tamaiti a Kora.+
84 Auê te nehenehe o to oe sekene hanahana,+E Iehova o te mau nuu!*
2 E hinaaro rahi to ˈu,Oia, te ere ra vau i to ˈu puai i te tiairaa,I te mau aua o Iehova.+
Te umere nei au ma to ˈu aau e puai atoa i te Atua ora.
3 E ite-atoa-hia mai i te manu te fare no ˈna i reira,E i te opea i te ofaaraa no ˈna,I reira oia e haapao ai i ta ˈna mau fanauˈaI pihai iho i ta oe fata hanahana, e Iehova o te mau nuu,To ˈu Arii e to ˈu Atua!
4 E oaoa te feia o te parahi ra i to fare!+
Te tamau ra ratou i te arue ia oe.+ (Sela)
5 E oaoa te taata o tei itea mai to ratou puai ia oe ra,+O tei haamau i to ratou aau i nia i te mau eˈa rahi.
6 Ia haere ratou na te peho o te mau raau rii baka,E faariro ratou i te reira ei vahi no te pape pihaa,E e vehî te ûa matamua i te reira* i te haamaitairaa.
7 E haere ratou a puai noa ˈtu ai.+Te haere ra ratou tataitahi i mua i te Atua i Ziona.
8 E te Atua o te mau nuu, e Iehova, a faaroo i ta ˈu pure.A faaroo mai, e te Atua o Iakoba. (Sela)
9 Inaha, to matou paruru+ e to matou Atua,*A hiˈo mai i te aro o tei faatavaihia e oe ra.+
10 Mea maitai aˈe hoi hoê mahana i roto i to mau aua i na mahana hoê tausani i te tahi atu vahi!+
Ua maiti au i te tia i te tomoraa o te fare o to ˈu AtuaI te parahi i roto i te mau fare ie o te ino.
11 E mahana+ e e paruru+ hoi te Atua ra o Iehova.Te horoa nei oia i te maitai e te hanahana.
Eita Iehova e tapea i te maitaiI te feia e haerea hapa ore to ratou.+
12 E Iehova o te mau nuu,E oaoa te taata o te tiaturi ia oe.+
Nota i raro i te api
^ Aore ra “sabaota.”
^ Huri-atoa-hia “e tapoˈi te orometua haapii ia ˈna iho.”
^ Huri-atoa-hia “A hiˈo i to matou paruru, e te Atua e.”
