I NIA iho i te mori o te luciole Photuris, te vai ra te mau poa oeoe o te haapuai rahi i te anaana o te mori o teie manumanu. No te huru hamaniraa o tera mero e puai roa ˈi te mori ta ˈna e faatupu. a

A hiˈo na: Ua itehia mai e te feia maimi i te mau poa haihai roa i nia i te mori o te tahi mau lucioles, mai te mau poa iˈa ïa te hohoˈa. Te taa-ê-raa râ, e pee rii i nia te oeoeraa o teie mau poa, hoê i nia i te 20 o te meumeuraa o te rouru o te taata te area. Maoti hoi teie area haihai roa e anaana ˈtu â ˈi te mori o teie manumanu fatata e 50 i nia i te hanere. Ahiri mea parahurahu te mau poa, eita ïa e anaana mai tera!

E nehenehe anei teie huru raveraa e haapuai atu â i te marama o te mori parauhia LED e faaohipahia no te mau matini uira? Ua tapiri te mau aivanaa i nia i teie mau mori i te tahi mea e hohoˈa i te mau poa i nia iho i te mori o te luciole. Eaha tei tupu? Ua puai atu â te marama o te mau mori LED e 55 i nia i te hanere! Te parau ra te hoê aivanaa o Annick Bay te iˈoa: “Te mea faufaa roa ˈˈe o teie ohipa, o te faaiteraa ïa e mea rahi te haapiiraa e huti mai i te hiˈopoa-maite-raa i te natura.”

Eaha to oe manaˈo? Mea tupu noa anei te mori o te luciole Photuris? Aore ra mea poietehia anei?