I RARO aˈe i te ture, e nehenehe te mau uupa aore ra te mau uuairao e pûpûhia ei ô na Iehova. Pinepine tera na manu i te faahitihia i roto i te ture no nia i te mau tusia e e nehenehe hoê e monohia i te tahi atu. (Lev. 1:14; 12:8; 14:30) Eaha te faufaaraa o teie faanahoraa? I te tahi taime aita te uupa e noaa noa mai. No te aha hoi?

Eita te mau uupa e faaea noa i te hoê â vahi e rere ratou na te mau fenua o Iseraela i te tau veavea. I te mau Atopa atoa, e rere ratou na te pae apatoa o te mau fenua veavea e e hoˈi ratou i Iseraela i te tau uaa tiare. (Sire 2:11, 12; Ier. 8:7) Tera te tahi tumu e ere i te mea ohie no te mau Iseraela ia pûpû i te mau uupa ei tusia i te tau toˈetoˈe.

Area te mau uuairao, eita ratou e rere na te mau fenua ê, e nehenehe ïa tera mau manu e faaohipahia i te roaraa o te matahiti. Hau atu â, e vairaa to teie mau manu i roto i te mau fare. (A hiˈo atoa i te Ioane 2:14, 16.) Ia au i te buka Bible plants and Animals, “i te mau oire atoa i Paretetina e itehia te uuairao i roto i te mau utuafare tataitahi.”​—A hiˈo atoa i te Isaia 60:8.

Na roto i teie faanahoraa, ua faaite Iehova i to ˈna here e to ˈna huru au noa ma te farii ia pûpûhia ei tusia te mau manu e itehia i te roaraa o te matahiti.